Gjykata Themelore në Koçan ka vepruar në 22 ankesa të të dyshuarve për zjarrin e Koçanit, prej të cilave 19 ankesa janë refuzuar dhe për këta persona mbetet masa e paraburgimit, ndërsa për ish-kryetarët Ratko Dimitrievski dhe Nikolço Iliev dhe ish-drejtorin e Inspektoratit Shtetëror të Tregut është zëvendësuar masa “arrest shtëpiak”.
“Pas 24 vendimeve për caktimin e paraburgimit, nga të dyshuarit janë paraqitur 22 ankesa. Ankesat janë shqyrtuar nga trupi gjykues prej tre gjyqtarësh (në bazë të nenit 25 paragrafi 5 i Kodit të Procedurës Penale) të Gjykatës Themelore të Koçanit dhe ka vendosur që ankesa për 19 të dyshuar të refuzohet dhe masa e paraburgimit të mbetet në fuqi, ndërsa për 3 të dyshuarit masa e paraburgimit është zëvendësuar me arrest shtëpiak, dhe në pajtim me nenin 144, neni 146 paragrafi 1 pika 3 i Kodit të Procedurës Penale përcakton edhe masën e sigurimit, sekuestrimin e përkohshëm të dokumentit të udhëtimit ose të ndonjë dokumenti tjetër për kalim të kufirit shtetëror, ose ndalim për dhënien e tij”, sqarojnë nga Gjykata Themelore në Koçan.
Prokuroria Themelore Publike ka parashtruar ankesa kundër vendimit të Gjykatës Themelore në Koçan për zëvendësimin e paraburgimit me arrest shtëpiak për dy ish-kryetarët e komunave në Gjykatën e Apelit në Shtip, të cilat janë në proces.
“Kundër njërit prej vendimeve të Këshillit prej tre gjyqtarëve (në bazë të nenit 25 paragrafi 5 të Kodit të Procedurës Penale) të Gjykatës Themelore në Koçan, me të cilin është ndryshuar masa e paraburgimit në arrest shtëpiak, nuk është ushtruar ankesë dhe është i formës së prerë”, thonë nga Gjykata e Koçanit.
