Xhud Belingam është lideri i këtij sezoni tek Real Madrid. Anglezi ka shpërthyer me fanellën e “galaktikëve”, por dhe me kombëtaren angleze. Këtë sezon, 20-vjeçari ka arritur që të dalë në 7 raste njeriu i ndeshjes. Në La Liga, ndaj Athletik Bilbaos, Almería-s, Selta Vigos dhe Xhirona-s ka marrë çmimin si më i miri i ndeshjes.
Po ashtu dhe në Ligën e Kampionëve në sfidat ndaj Union Berlinit dhe ndaj Napolit, si dhe me Anglinë ndaj Skocisë, ka qenë lojtari më i mirë në fushën e lojës.
Në 7 nga 12 ndeshjet që ka luajtur këtë sezon në të gjitha kompeticionet mes Real Madrid dhe Anglisë, Bellingam ka shkëlqyer. Shifra mbreslënëse për fantazistin që ka shënuar këtë edicion 10 gola me Realin. Anglezi u ble për shifrën e 103 milionë eurove tek Dortmund, e deri tani po rezulton si transferimi më i suksesshëm i verës që lamë pas.
