“Global Firepower” ka publikuar një raport vjetor dhe një listë renditjeje të ushtrive të 140 vendeve të botës.
Sipas të dhënave për vitin 2022, Shqipëria renditet në vendin e 115, Maqedonia e 134-ta, Kosova e parafundit 139-ta nga gjithsej 140 vende.
Ndërkohë, nga vendet e rajonit më lartë qendron Serbia në vendin e 61, Kroacia e 62-ta, përcjell INA.
Vlerësimi i fundit tregon se Shtetet e Bashkuara janë ende më të fuqishmet në botë, të ndjekura nga Rusia, Kina, India dhe Japonia në pesëshen e parë. Sipas Global Firepower, indeksi i fuqisë dhe forcës ushtarake llogaritet bazuar në më shumë se 50 faktorë.
Në vendin e gjashtë është Koreja e Jugut, Franca është në vendin e shtatë që është një zgjedhje mjaft e çuditshme duke qenë se ky vend është gjithashtu një fuqi bërthamore, dhe ka një aeroplanmbajtëse bërthamore si dhe një nëndetëse bërthamore. Britania e Madhe është në vendin e tetë, dhe në mesin e dhjetë të parave në listë është Pakistani, në vendin e nëntë dhe në vendin e dhjetë është Brazili.
Italia renditet e 11-ta, Turqia e 13-ta, Gjermania e 16-ta, Izraeli 18-ta, Greqia e 27-ta, Norvegjia e 33-ta, Rumania e 38-ta, Sllovakia e 60-ta, Austria 58-ta, Hungaria e 56-ta, Bullgaria e 67-ta, ndërsa Shqipëria në vendin e 115-të.
Nga vendet e ish-Jugosllavisë, Serbia në vitin 2022 renditet e 61-ta, Kroacia e 62-ta, Sllovenia e 86-ta, BeH e 123-ta, Mali i Zi në vendin e 131-të dhe Kosova e 139-ta. (INA)
