Revizioni raporton për dyshime të shumta financiare, ministri ri i Transportit kërkon ndërhyrjen e Prokurorisë

Picture of INA
INA

26/06/2024

Sot është dita e fundit e mbylljes së tenderit për segmentin e tretë të hekurudhës në Korridorin 8, por
Ministri i ri i Transportit Aleksandar Nikollovski, akoma s’ka të drejtë firmosje për ta parandaluar këtë. Ai tha se vlera e hekurudhës është rritur për 220 milion euro. Në vend se të kushtojë 340 milion, tani ky projekt kushton 560 milion euro. Ai tha se tenderimi ka nisur pak para zgjedhjeve në mënyrë jotransparente. Nikollovski tha se drejtori i NP “Rrugët Shtetërore” Ejup Rrustemi nuk jep dorëheqje dhe aktualisht kanë mbetur në një udhëkryq ndër-institucional për të marr masat me kohë e për të shmangur implikimet financiare në buxhetin e shteti. Kërkon ndërhyrjen e Prokurorisë Publike.

“LSDM dhe BDI kanë shpallur tender në vlerë 560 milion euro, për të cilin sot më 26 Qershor përfundon afati për ofertuesit. Praktikisht e gjithë procedura është udhëhequr në periudhë parazgjedhore, zgjedhore dhe post-zgjedhore. Ne jemi qeveri vetëm tri ditë! Sipas ligjit për furnizime publike, tenderët mund të anulohen deri në ditën e paraqitjes së ofertave. Duke pasur parasysh që ky tender shpallet nga sektori ‘CFSD’ në Ministrinë e Financave, si unë, si Kryeministri, ashtu edhe Ministri i financave jemi zgjedhur të dielën në Kuvend, sipas ligjeve aktuale edhe sot ne nuk mund të nënshkruajmë asgjë”, deklaroi Aleksandar Nikollovski, Ministër i Transportit dhe lidhjeve.

Duke u bazuar në raportin e Entit të revizionit ai kërkon nga organi akuzës të hetoj se si 484 milionë euro dyshohet të jenë shtuar vetëm në tre projekte, siç janë segmenti i tretë i hekurudhës 23,4 km nga Kriva Pallankë-kufiri me Bullgarinë, autostrada Kërçovë-Ohër dhe segmenti i dytë i autostradës Shkup-Bllacë.

Raporti i Entit shtetëror të revizionit
A) Sipas marrëveshjes së lidhur RMV dhe BE për Seg.III hekurudhor është 340 milionë euro, ndërsa deri në ditën e auditimit vlera ka arritur në 560 milionë euro, që paraqet rritje në shumën e 220 milionë euro.
B) Për projektin e ndërtimit të autostradës Kërçovë Ohër, vlera e kontratës për aneksin nr.3 ishte 589 milionë euro, ndërsa vlera fillestare ishte 411 milionë euro, që paraqet rritje 178 milion euro më shumë.
C) Projekti i segmentit dytë për autostradën Shkup-Bllacë fillimisht është parashikuar në vlerë 112 milionë euro, ndërsa u rrit në 198 milionë euro për 10.5 km autostradë, që paraqet 86 milion euro më shumë.

Për ndërtimin e Korridorit 8 infrastrukturor dhe Korridorit 10d me një gjatësi prej 108 km dhe një vlerë të parashikuar prej 1,319 miliardë euro, u miratua një ligj i veçantë që rregullon kushtet dhe mënyrën e ndërtimit. Me një analizë krahasuese të kostos së ndërtimit të Korridorit 8 dhe 10d, u përcaktua rishikimi se në planin pesëvjeçar të Komunitetit të Transportit nga prilli 2022, vlera treguese e deklaruar për pjesët e planifikuara është 585 milionë euro ose 475 milionë euro pa segmentin Bukojçan-Kërçovë. Sa i përket marrëveshjes me konzorciumin Bechtel-Enka e mbrojtur me ligj, e klasifikuar sekret shtetëror, Ministri i Transportit tha se do të kërkoj që fillimisht të de klasifikohet dhe pastaj të rishikohet në detaje. /Alsat.mk

TË FUNDIT
6 orë
Granit Osmani është caktuar drejtor i Agjencisë për Zbatimin e Gjuhës Shqipe
8 orë
Herolind Sakipi, drejtor i ri i ISHP Qendra e Shëndetit Publik në Kumanovë
9 orë
Fatime Fetai doktoroi në fakultetin juridik në Shkup
11 orë
Këto janë të përzgjedhurit për drejtorë nga ASH e Taravarit në Kumanovë
13 orë
Ali Ahmeti: Beteja për legjitimit dhe dinjitet në çdo vendbanim dhe institucion

ME TE LEXUARA

20 orë
Pritjet kufitare, ja sa po pritet në Tabanoc dhe Bogorodicë
8 orë
Herolind Sakipi, drejtor i ri i ISHP Qendra e Shëndetit Publik në Kumanovë
18 orë
Alternativa-Likovë me tre poste në Qeveri
6 orë
Granit Osmani është caktuar drejtor i Agjencisë për Zbatimin e Gjuhës Shqipe
17 orë
Kasami i kundërpërgjigjet Ahmetit: VLEN ka legjitimitetin e plotë të përfaqësimit të shqiptarëve, merru me funksionarët e tu

LEXO MË SHUMË

IMG_4368

Granit Osmani është caktuar drejtor i Agjencisë për Zbatimin e Gjuhës Shqipe

herol-750x896

Herolind Sakipi, drejtor i ri i ISHP Qendra e Shëndetit Publik në Kumanovë

IMG_4366

Fatime Fetai doktoroi në fakultetin juridik në Shkup

arben taravari kumanove

Këto janë të përzgjedhurit për drejtorë nga ASH e Taravarit në Kumanovë

Ali Ahmeti fronti

Ali Ahmeti: Beteja për legjitimit dhe dinjitet në çdo vendbanim dhe institucion

IMG_4361

Kasami: VLEN po shkon drejt bashkimit të strukturave

IMG_4362

Mickoski edhe djalin e kishte me vete në Amerikë, kush i’a pagoi harxhimet?!

IMG_4360

Taravari: Ahmeti di të veprojë si opozitar i vërtetë

IMG_4359

Mexhiti për tubimin e BDI-së: Po bëjnë si “pula pa kokë”

INFO

NA NDIQ