Nënkryetari i Bashkimit Demokratik për Integrim (BDI), Bajram Rexhepi, ka reaguar ashpër ndaj propozim-ligjit për përfaqësim të barabartë të propozuar nga profesori universitar Aleksandar Karakamishev, duke e cilësuar atë si një përpjekje për të ligjëruar përjashtimin e shqiptarëve në emër të reformave.
“Ky ligj nuk do të kalojë! Nuk do të lejojmë që padrejtësia të mbulohet me ligj. Ne jemi këtu për ta mbrojtur zërin dhe dinjitetin e çdo qytetari shqiptar”, deklaroi Rexhepi.
Ai theksoi se kjo është një fazë kritike për të gjithë ata që besojnë në barazi dhe përfaqësim të drejtë, duke paralajmëruar mobilizim politik dhe institucional për ta ndalur këtë iniciativë.
“Ky është momenti kur qëndresa jonë bëhet përgjigje. #Bashkë, do ta ndalim këtë legalizimin e këtij përjashtimi të kamufluar si reformë”, shtoi ai.
Projektligji në fjalë ka ngjallur reagime të ashpra në opinionin shqiptar, i cili e sheh atë si një tentativë për të relativizuar mekanizmat aktualë të balancës etnike në institucionet shtetërore.(INA)
