Secili në ordinancën e vete, por me çelësa në derë, mjekët amë në vend sot do të protestojnë për, siç thonë ata, “qëndrimit injorant të Fondit të Sigurimeve Shëndetësore” dhe shtojnë se do të punojnë vetëm me raste urgjente, transmeton Portalb.mk.
Revolta e mjekëve amë, e cila sot do të kthehet në protestë, siç thonë nga Shoqata e mjekëve privatë, është për shkak të disa kërkesave të paplotësuara që kanë.
“Për një kohë të gjatë askush nuk reagon ndaj thirrjeve tona se shëndetësia primare nuk mund t’i përballojë këto goditje financiare. Rritje e pagës minimale, rritje e faturave të energjisë elektrike të koncesionarëve, gjobave për mjekët amë, rritje e çmimeve të karburanteve dhe ushqimeve”, thuhet në kumtesën zyrtare nga Shoqata e mjekëve privatë në vend.
Siç thonë nga atje, duhen disa reforma për mjekë të kënaqur dhe personel mjekësor të kënaqur.
“Nëse infermierët largohen nga vendet e vogla, nuk do të ketë ekipe – nëse nuk ka ekipe, nuk ka ambulanca. Kjo është në dëm të popullit. Për shëndet cilësor, laboratorë të mirë, klinika speciale cilësore dhe deri në diagnozë të shpejtë”, thuhet në deklaratën e tyre, duke sqaruar arsyet e protestës së nesërme.
