Ambasadori i Gjermanisë në Kosovë, Jorn Rohde, ka reaguar pas deklaratës së ambasadorit amerikan në Serbi, Christopher Hell, i cili mendon që shtetit serb nuk duhet t’i kërkohet që ta njohë pavarësinë e Kosovës de jure, për tu bërë anëtare e Bashkimit Evropian.
Rohde në një postim të bërë në platformën X ka thënë se normalizimi në mes të Kosovës dhe Serbisë përfshinë njohjen reciproke, transmeton Telegrafi.
“Vetëm sa për të rikujtuar: Lexojeni deklaratën e qartë të kancelarit gjerman Scholz gjatë vizitës në Kosovë dhe Serbi në qershor të vitit 2022 për normalizimin, përfshirë njohjen reciproke. Kjo qëndron ende: Rruga është aty. Zbatim i plotë i marrëveshjes së Brukselit dhe asaj të Ohrit nga të dyja palët sa më parë”, ka pohuar ai.
Gjithashtu, Rohde ka shpërndarë edhe lajmin me deklaratën e kancelarit gjerman Olaf Scholz, gjatë vizitës së tij në Kosovë, ku pikërisht kishte deklaruar se “është e paimagjinueshme që dy vende të cilat nuk e njohin njëra-tjetrën të bëhen anëtare të BE-së”.
Ndryshe, ambasadori Hill të enjten tha se mendon se Serbisë nuk do t’i kërkohet që de jure ta njohë pavarësinë e Kosovës për t’u bërë anëtare e Bashkimit Evropian, por se evropianët “po kërkojnë pikërisht atë që thonë se po kërkojnë – normalizim të marrëdhënieve”. /Telegrafi/
Just as a reminder: Read @Bundeskanzler Scholz' clear statement during his visits to 🇽🇰+🇷🇸 in June '22 on normalization, incl mutual recognition!
That still stands.
The path is there: full implementation of the Brussels/Ohrid agreements by both sides asaphttps://t.co/whuG4Sm6oV— Ambassador Jörn Rohde (@GermanAmbKOS) June 13, 2024
