Një përleshje fizike ku janë përdorur mjete të forta ka ndodhur mbrëmë në Çerkez të Kumanovës, ku si pasojë tre veta kanë përfunduar me lëndime serioze, raporton media lokale kumanovonews.
Sipas raportit policor, përleshja masive ka ndodhur mbrëmë rreth orës 23:00 pas një debati të mëparshëm mes dy grupeve të meshkujve.
“Një sherr fizik ka ndodhur mes L.R, M.R, F.R, S.H, B.R nga njëra anë dhe O.J(31), N.J, G.J dhe B.J në anën tjetër. Gjatë sherrit janë përdorur edhe sende të forta”, thonë nga SPB Kumanovë.
Në të njëjtën kohë, lëndime të rënda trupore ka pësuar B.J. NJ dhe G.J., të konstatuar në Spitalin e Përgjithshëm të Kumanovës.
Policia tha se janë ndërmarrë masa për zbardhjen e rastit. (INA)
