Një ngjarje si në film ka ndodhur pas mesnate në autostradën Shkup-Veles, kur një i burgosur është rrëmbyer nga një furgon policie, ndërsa një pjestar i policisë ka mbetur i plagosur, përcjell INA.
Sipas informacioneve të para zyrtare persona të armatosur kanë ndaluar furgonin e policisë që po transportonte të burgosurin nga burgu i Idrizovës. Ata pasi që kanë ndaluar furgonin me një makinë të tipit “Audi”, nën kërcënimin e armëve kanë carmatosur dy pjestarët e policisë dhe është plagosur njëri nga policët.
Portale në gjuhën maqedonase kanë shkruar se bëhet fjalë për një të burgosur nga Tetova me inicialet M.B, i cili po vuante dënimin prej 20 viteve në burgun e Idrizovës. Ministria e Brendshme ende nuk ka dal me njoftime zyrtare, për të dhënë detaje mbi këtë rrëmbim. (INA)
