Ministri i Arsimit dhe Shkencës, Jeton Shaqiri ka njoftuar se gjatë muajit shtator nxënësit e Vizbegut në Shkup do të mësojnë në shkollën e tyre. Gjithashtu, Shaqiri ka njoftuar se kjo shkollë e bukur, moderne, në fazën finale ndërtimore dhe me shumë gëzim do i pret nxënësit e parë shumë shpejtë. Shton se sot kjo shkollë mori dritë jeshile edhe nga Qeveria.
Për realizimin e këtij projekti, Shaqiri ka thënë se ndjehet tepër i lumtur dhe ka falënderuar në veçanti, zëvendëskryeministrin e parë të vendit, Artan Grubi.
“Shkolla do të filloj me procesin edukativo arsimor duke i ulur në bankat shkollore rreth 300 nxënës, që dukshëm do ta lehtësoj funksionimin e prindërve të kësaj lagjeje të cilët deri tani i kanë dërguar fëmijët e tyre në shkollat tjera në lagjet fqinje. Po, jam krenar që mbaj vulën e shkollës në Vizbeg bashkë me të gjithë shokët qeveritar që ndihmuan këtë proces të vijë deri në finale që nga iniciativa dhe këmbëngulja e vazhdueshme e ZKPM z. Artan Grubi për tu mbaruar ky projekt”, ka shkruar Shaqiri.
E zëvendëskryeministri i parë, Artan Grubi ka njoftuar se edhe një premtim i madh është realizuar në tërësi. Sipas Grubit, fjala e dhënë është e shenjtë.
Ai nëpërmes një statusi në rrjetin social, “Facebook”, ka njoftuar se në seancën e sotme të Qeverisë është dhënë dritë jeshile që nxënësit e Vizbegut në komunën e Butelit, të fillojnë mësimin në shkollën e tyre amë.
“Një projekt shumë modern edukativo-arsimor me një kapacitet për 300 nxënës dhe me të gjitha elementet e nevojshme për funksionim, si në aspektin teknik ,ashtu edhe profesional. Me finalizimin e këtij projekti, gjeneratave të reja u ofrojmë kushte më të mira për mësim por njëkohësisht edhe lehtësojmë punën e prindërve të cilët më herët fëmijët i kanë dërguar në shkolla tjera më të aferta. Bashkë me Jetonin dhe kolegët ministra, punojmë që sistemi arsimor të vendoset në binarë të duhur”, ka shkruar Grubi.
