Rreth 300 taksi në Shkup janë bllokuar në procedurat burokratike për ndryshimin e targave në të verdhë. Përfaqësues të kompanive të taksive thonë se nuk mund të marrin patentë pa targa të verdha dhe ndërkohë paguajnë kontribute për kompanitë.
“Pra puna është se ata janë duke luajtur ping-pong dhe problemi nuk zgjidhet, kështu që kemi shumë automjete që rrinë në shtëpi dhe nuk mund të dalin në rrugë sepse nuk mund të ushtrojnë të drejtat e tyre, për të marrë një licencë. Ligji është miratuar në Ministrinë e Ekonomisë, andaj ne po pyesim tani se kur do të zgjidhet kjo”, tha Gjorgi Marinovsk, përfaqësues i 19 kompanive të taksive.
Kompanitë e taksive apelojnë që ligji i ri i Qarkullimit Rrugor të vihet në pritje, në mënyrë që të marrin leje për të punuar me targa të bardha për një periudhë të caktuar derisa ti sigurojnë targat e verdha për taksi.(INA)
