Gazetari Arben Ratkoceri shkruan se, SHBA kanë shtuar përpjekjet për pengimin e ndikim rus në Maqedoni.
“Për 4 vjet (2017-2021), rreth 67.5 milionë dollarë kanë ndarë SHBA-të për pengimin e ndikimit rus në Maqedoninë e Veriut. Dhe, në vend se të ulet ndikimi rus dhe të ulen dezinformatat, në Maqedoni si në asnjë vend tjetër – rusofilët shtohen çdo ditë e më shumë. Shtohen sepse ata që po i fitojnë këto fonde nuk bëjnë asgjë tjetër pos që hapin ndonjë kioskë që e quajnë “institut medial”, apo merren me Russian Today, me statuse Facebook-u, apo bëjnë dy-tre debate me katër-pesë veta të njëjtë dhe shpërndajnë meditje nga 50 dollarë, ndërsa marrin qindra mijëra dollarë me dedikim!”, Shkruan Ratkoceri.(INA)
