Kreu i Agjencisë Ndërkombëtare për Energji Bërthamore (IAEA), Rafael Grossi, bëri thirrje për një armëpushim në Iran, që të mundësohen inspektimet në centralet bërthamore të vendit. Në një deklaratë për bordin e guvernatorëve të IAEA-s në Vjenë, ai theksoi se verifikimi i fakteve në terren është thelbësor për çdo marrëveshje dhe mund të realizohet vetëm përmes inspektimeve të IAEA-s.
Grossi shtoi se është e domosdoshme ndërprerja e armiqësive për të siguruar kushtet e nevojshme të sigurisë dhe mbrojtjes, në mënyrë që ekipet e IAEA-s të kenë mundësi të hyjnë në vendet përkatëse dhe të vlerësojnë situatën aktuale.
