Qeveria në seancën e sotme ka shqyrtuar procesverbalin e mbledhjes së Komisionit Menaxhues për Koordinim dhe Menaxhim në Sistemin e Menaxhimit të Krizave, me të cilin anëtarët e Qeverisë janë njohur me kushtet për praninë e shtuar të arinjve në zonat e banuara në Komunën e Mavrovë dhe Rostushë.
Qeveria ka shqyrtuar masat parandaluese të propozuara nga ministritë kompetente, Ministria e Mjedisit dhe Planifikimit Hapësinor dhe Ministria e Bujqësisë, Pylltarisë dhe Menaxhimit të Ujërave dhe është shprehur pritshmëria për aplikim efikas të masave.“Me fjalë të tjera, në një periudhë sa më të shkurtër kohore, të hiqen të gjithë kazanët e vegjël dhe të mëdhenj të plehrave që ndodhen në afërsi të zonave të banuara ose në vetë zonat e banuara, të cilët përfaqësojnë një burim tërheqës për arinjtë. Për këtë qëllim, vetëqeverisja lokale në bashkëpunim me Institucionin Publik të Parkut Kombëtar të Mavrovës, në përputhje me kompetencat e tyre, duhet t’i qasen zgjidhjes së çështjes, me qëllim të pastrimit në kohë të mbeturinave (deponive të egra) nga të gjitha zonat e banuara, si dhe nga rrugët lokale.Me masat e vendosura parandaluese, parashikohet kontrolli i të gjitha objekteve shoqëruese në të cilat ruhet ushqimi, të cilat mund të jenë lehtësisht të aksesueshme dhe që janë afër vendbanimit; mbyllja e të gjitha vendeve të deponimit të mbeturinave komunale me një gardh të përshtatshëm metalik të sigurisë; sigurimi i objekteve të posaçme për ruajtjen e arinjve jashtë zonave të banuara; sigurimi i pronave, veçanërisht në vendet ku mbahen bagëtitë, bletët e të tjera, me pajisje të standardizuara me tension elektrik; fjetja dhe dislokimi i arinjve, në bashkëpunim me autoritetet shtetërore dhe institucionet shkencore; përdorimi i mjeteve parandaluese të frikësimit dhe parandalimit, si dhe përdorimi i organizuar i mjeteve për të frikësuar arinjtë”, thuhet në njoftimin e Qeverisë.Disa ditë më parë komuna e Mavrovë dhe Rostushë bëri kërkesë deri te qeveria që të shpallin gjendje krize territorin e kësaj komune për shkak të numri të madh të arinjve.
