Rriten mundësitë për të zgjedhur një shqiptar në Kongresin Amerikan

Iliria News Agency
Iliria News Agency

23/03/2022

Tërhiqen kandidatët e tjerë, pritet koalicion me Vedat Gashin kundër kongresistit Jamaal Bowman

Nga Ruben Avxhiu

Manuel Casanova një nga dy kandidatët që po sfidojnë kongresistin Jamaal Bowman, në garën paraprake Partisë Demokrate për zonën zgjedhore 16 në New York është tërhequr nga gara.

Ky është lajm i mirë për shqiptaro-amerikanin Vedat Gashi sepse ai mbetet kandidati i vetëm në garë përballë Bowmanit dhe nuk do të ketë rrezik që t’i ndajë votat me dikë tjetër.

Akoma më mirë, në deklaratën e tij të tërheqjes, Casanova tha se “Po dal nga gara dhe do të mbështes Vedatin”.

“Mendoj se ai do të jetë në gjendje të bashkojë koalicionin që nevojitet për të fituar këtë paraprake”, tha Casanova. Ai duhet ta dijë mirë këtë punë se përveçse biznesmen është edhe startegjist politi.

Edhe Michael Gerald, një prift në qendrën e korrektimit në Tuckahoe, të Kontesë Westchester e pezulloi garën javën e kaluar. Ndonëse ende nuk e ka mbështetur Gashin, ai tha se po anonte nga ai.

Bowman, i cili ka lënë shumë të pakënaqur në zonën e tij gjatë mandatit të parë e ka edhe më të vështirë rizgjedhjen përshkak se kufijtë e zonës kanë ndryshuar duke përfshirë një zonë shumë më të larmishme e me pikëpamje të ndryshme politike.

Bowman papritur mund të jetë tepër i majtë për votuesit që do të përfaqsojë.

Dy vjet më parë, ai fitoi kundër kongresistit Eliot Engel, i ndihmuar edhe nga situata me epideminë, emocionet lidhur me protestën e organizatës Jetët e Zeza Kanë Rëndësi si dhe për shkak të një numri sulmesh në media ndaj Engelit.

Në atë kohë, Engel gëzonte mbështetjen e udhëheqësve kryesorë demokratë e megjithatë humbi.

Kësaj here situata është përmbysur. Tani udhëheqësit demokratë si Nancy Pelosi, Charles Schumer etj mbështesin Bowmanin por janë demokratët në bazë që mund të kenë ndryshuar mendim.

Gashi, djali i emigrantëve nga Kosova, që ka shërbyer me sukses si ligjvënës në Westchester, ka moshën dhe qendrimet e duhura për të përfaqësuar zonën e re të 16 në Kongresin Amerikan.

Historikisht ka qenë e vështirë të rrëzosh një kongresist në fuqi. Eliot Engel e përfaqësoi këtë zonë për 32 vjet me radhë. Por, Bowman nuk është Engel dhe ende nuk e ka krijuar imazhin dhe mbështetjen që krijoi Eliot Engel në vite.

Dy ditë më parë, një takim fondmbledhës për Gashin tërhoqi shumë shqiptaro-amerikanë. Për shqiptarët do të ishte shumë e rëndësishme që të kishin më në fund një shqiptar të ri në Kongresin Amerikan. Edhe zona 16 e New York-ut meriton një kongresist më të mirë.

TË FUNDIT

ME TE LEXUARA

LEXO MË SHUMË

dimri-bore temperatur

Në viset malore reshjet e shiut do të kalojnë në reshje të borës, njihuni me parashikimin e motit për Maqedoninë e Veriut

treni

Me tren falas për në Evropë, BE dhuron 35 mijë bileta për të rinjtë

ballkani-1024x873-1

Nevojitet ritëm i shpejtë për reformat në gjithë Ballkanin Perëndimor

NATO

NATO, shtim forcash në dy vatra të nxehta ballkanike

IMG_1227

Shqiptarët mbeten pa deputet në Kroaci, Ermina Lekaj Prljaskaj nuk siguroi votat e duhura

eu-be-rusi ndikimi rus ballkan

Sondazhi i IRI-t: Shumica në Ballkan janë për në BE dhe kundër Rusisë, serbët s’duan BE dhe pro Rusisë

IMG_1225

HDZ fitoi zgjedhjet parlamentare në Kroaci

zgjedhje maqedoni

Sot nisi fushata për zgjedhjet parlamentare

Nora-Taravari-921x614

Zonja Nora Taravari tregon për jetën me doktorin dhe arsyen pse ai vendosi të kandidojë për president

INFO

NA NDIQ