Rritet numri i refugjatëve nga Ukraina në Zvicër

Iliria News Agency
Iliria News Agency

04/03/2022

Sipas Sekretariatit Shtetëror për Migracionin, numri është në rritje, ndonëse numri i saktë i personave që kanë hyrë në vend që nga shpërthimi i luftës, në fakt nuk është i qartë

Që nga fillimi i agresionit rus të enjten e kaluar, rreth 150 persona nga Ukraina janë regjistruar në qendrat federale të azilit. Sekretariati Shtetëror për Migracionin (SEM) i ka treguar Keystone-ATS se numri i regjistrimeve është në rritje. Megjithatë, nuk është ende e mundur të përcaktohet se sa ukrainas kanë hyrë në të vërtetë në Zvicër që nga shpërthimi i luftës. Kjo për shkak se refugjatët mund të hyjnë në zonën Shengen, e për rrjedhojë edhe në Zvicër, pa vizë, shkruajnë mediat zvicerane, përcjell albinfo.ch.

Njerëzit që ikin nga ngjarjet e luftës mund të gjejnë strehim tek individët privatë. SEM është në bisedime me kantonet dhe organizatat joqeveritare për të koordinuar mbështetjen për ukrainasit që mbërrijnë në Zvicër, tha zëdhënësi i SEM, Daniel Bach.

Zviceranët janë të gatshëm të mirëpresin privatisht

Në platformën online Campax, 6,613 familje zvicerane kishin shprehur gatishmërinë për të mirëpritur refugjatët në shtëpitë e tyre, për një total prej 15,904 shtretërish. Organizata zvicerane Campax zhvillon fushatat e veta mbi temat e zgjedhjes së saj dhe mbështet individët dhe organizatat e tjera në zbatimin e kërkesave të tyre, thuhet në faqen e saj në internet, përcjell tutje albinfo.ch.

Mbrojtja e të paktën 10,000 refugjatëve

Në të njëjtën platformë, 21,000 njerëz nënshkruan një letër të hapur drejtuar kreut të Departamentit Federal të Drejtësisë dhe Policisë, Karin Keller-Sutter, duke kërkuar që 10,000 refugjatë t’u jepet mbrojtje. Nga ana e saj, revista Beobachter ka krijuar një linjë falas ku mund të bëhen pyetje në lidhje me pritjen e refugjatëve.

TË FUNDIT

ME TE LEXUARA

LEXO MË SHUMË

policia italiane

Aksident trafiku në Itali, humb jetën një 25-vjeçar shqiptar

mira murati

Mira Murati bëhet zyrtarisht pjesë e Akademisë së Shkencave të Shqipërisë

vlora-bregdeti-shqiptar

Banka Botërore financon me 80 milionë dollarë projektin për zhvillimin e turizmit në Shqipëri

treni

BE po shpërndanë bileta falas për udhëtime me tren nëpër Evropë, edhe Maqedonia e Veriut në listë

diaspora kroaci

Takime vëllezërore me shqiptarët e Kroacisë

vlen berlin

Krerët e VLEN-it në Berlin: Diaspora i thotë po ndryshimit

vlen berlin

VLEN takon mërgatën shqiptare në Berlin dhe Cyrih

andi vranja

Djaloshi që la Amerikën për të veshur uniformën e policisë së Kosovës

REXHEP rexhepi

Rexhep Rexhepi,Mocarti i prodhimit të orëve zvicerane

INFO

NA NDIQ