Finishi i sezonit të Milanit është hidhëruar nga një kthesë e bujshme. Një “grusht shteti” krejtësisht i papritur, që përmbys totalisht skenarin e destinuar të vazhdimit pas vendit të katërt dhe gjysmëfinales së Champions League të sezonit që sapo është arkivuar.
Në takimin që u zhvillua dje në një hotel të njohur në Milano mes Gerry Cardinale dhe Paolo Maldini, ish-kapiteni mori lajmin e pronarëve të klubit për të mos vazhduar bashkëpunimin, ashtu si me drejtorin sportiv Ricky Massara.
Sipas raportimeve nga “Sky Sport”, gjatë samitit Cardinale përsëriti vlerësimin e tij për Maldinin, por nuk kishte predispozicion për të filluar një diskutim mbi atë që u bë dhe çfarë nuk u bë. Vendimi i shkarkimit lidhet me marrëdhënien e vështirë midis Maldinit dhe RedBird, fondi pronar i Milanit.
PSE MALDINI DHE MASSARA LARG MILANIT?
Në bazë të zgjedhjes do të kishte vizione të ndryshme mes Maldinit dhe Cardinale për rolin e ish-kapitenit të kuqezinjve në klub dhe buxhetin që do të investohet në sesionin e ardhshëm në merkato për të përforcuar skuadrën në dispozicion të Stefano Piolit.
Vendimi për ndarjen u mor nga Gerry Cardinale, i cili vendosi të lirojë nga detyrat Paolo Maldinin dhe Ricky Massara si drejtor i zonës sportive dhe drejtor sportiv.
DREJTOR I RI TE MILANI?
Me lamtumirën e Maldinit dhe Massarës, nis kërkimi i pasardhësve të tyre. Ndër hipotezat më të akredituara është ajo e një zgjidhjeje të brendshme me promovimin e menaxherit të zonës së skautimit Geoffrey Moncada dhe më shumë forcë dhe autonomi për Furlanin.
Por kjo nuk është e vetmja rrugë e mundshme. Në orët e fundit, Igli Tare i dha lamtumirën Lazios pas 18 vitesh. Ish-drejtori sportiv i klubit kryeqytetas mund t’ia nisë sërish nga Milani dhe të marrë përsipër trashëgiminë e Maldinit dhe Massara.
PIOLI, LARG NGA MILANI?
Lamtumira e Maldinit dhe Massara me Milanin, dorë për dore me ish-kapitenin që e zgjodhi në 2019 si krahun e tij të djathtë, nuk e vë në dyshim pozicionin e Stefano Piolit. Profili i trajnerit nga Parma është vlerësuar gjithmonë si nga Elliott, ashtu edhe nga RedBird. Me përjashtim të përmbysjeve të papritura, Pioli do ta drejtojë sërish Milanin sezonin e ardhshëm.