Publikimi i fundit ekskluziv nga KosovaNews për kronologjinë e lidhjes me shtetësinë e Serbisë nga oligarku, Blerim Devolli, ka nxitur edhe reagimet e deputetëve të Kuvendit të Republikës së Kosovës.
Pasi ka siguruar dosjen prej 60 faqes të vendimit të Gjykatës së Arbitrazhit në një rast që Devoilli kishte paditur shtetin e Kosovës dhe kërkonte miliona euro, KosovaNews ka publikuar të gjeturat nga ky vendin, e ku janë edhe ato për shtetësinë e Blerim Devollit.
Personi në fjalë ka një kronologji të lidhjes me shtetësinë serbe, ndërsa për të fundit herë e ka kërkuar vetë dhe e ka marrë shtetësinë e Serbisë në vitin 2021.
Ky publikim i KosovaNews ka nxitur edhe reagimin e deputetin Adnan Rrustemi, i cili ka pyetur se cila është arsyeja apo përfitimi i veprimeve të Devollit në këtë rast.
“Jo veç bizneset, por edhe vet qenka pajisë me dokumente të Serbisë. Cila është arsyeja apo përfitimi?”, ka shkruar Rrustemi në reagimin e tij në rrjetin social.
