Rusia dhe NATO: Manovra të flotave njëkohësisht në Baltik

INA
INA

06/06/2023

Paralelisht me stërvitjen e marinës së NATO-s në Detin Baltik edhe Rusia teston anijet dhe avionët luftarakë.

Rusia pretendon se e ka neutralizuar ofensivën e madhe ukrainase në jug të rajonit Donjeck.

NATO dhe Rusia gjatë dy javëve të ardhshme do të testojnë paralelisht flotat e tyre në Detin Baltik. Në manovrën e drejtuar nga SHBA-ja “Baltops” marrin pjesë 50 anije dhe barka dhe 45 avionë me gjithsej 6500 ushtarë nga vendet e NATOS dhe Suedia.

Flota ruse e Detit Baltik të hënën (05.06) vuri në dukje, se njëkohësisht do të stërvisë 40 anije, 50 avionë luftarake dhe 3500 ushtarë. NATO nuk ishte informuar më parë zyrtarisht për këtë. Kancelari i Gjermanisë, Olaf Scholz, nuk pret, që të ketë acarim të situatës mes dy palëve prej këtyre manovrave.

“Nuk druaj për një gjë të tillë”, tha ai gjatë një vizite në fregatën “Mecklenburg-Vorpommern” para brigjeve të Detit Baltik në Rostock. “Do të veprohet me shumë përgjegjësi nga ana e forcave tona.” Kancelari e konsideron këtë stërvitje të NATO-s si sinjal të forcës ndaj Rusisë: “Eshtë natyrisht edhe një shenjë, se me këtë manovër, po bëjmë një stërvitje, që tregon se e kemi forcën, për të organizaur mbrojtjen e aleancës dhe të vendit. E kjo do të kuptohet me të.”

Rusia me gjasë e ka neutralizuar ofensivën e madhe ukrainase

Forcat e armatosura ruse, sipas të dhënave të Ministrisë së Mbrojtjes në Moskë e kanë neutralizuar një ofensivë të madhe ukrainase në jug të rajonit Donjeck. “Në mëngjesin e 4 qershorit armiku nisi një ofensivë në shkallë të gjerë në pesë sektorë të frontit në jug të Donjeckut”, njoftoi ministria në kanalin e lajmeve Telegram. “Armiku nuk i arriti qëllimet, nuk pati sukses.” Rreth 250 ushtarë ukrainas janë vrarë.

16 tanke ukrainase, tre tanke mbrojtëse dhe 21 automjete të blinduara luftarake janë shkatërruar. Ministria publikoi një video, që tregon se si disa automjete të blinduara ukrainase pas të shtënave shpërthejnë në një fushë. Nga një palë e pavarur këto të dhëna nuk janë verifikuar.

Nëse kemi të bëjmë me luftime në fillim të ofensivës së madhe, që po e planifikon prej muajsh Ukraina, kjo ende nuk është e qartë. Në raportimin ditor të shtabit të përgjithshëm ukrainas bëhet fjalë vetëm, se ka pasur 29 shkëmbime luftarake në rajonet lindore Donjecks dhe Luhansk. Qendra për komunikim strategjik nuk është shprehur lidhur me dekalrimet ruse, por e akuzoi Rusinë për gënjeshtra: Për të irrituar ukrainasit dhe popullsinë ruse, jepen informacione të rreme lidhur me ofensivë, e madhe dhe humbjet në ushtrinë ukrainase, thuhet nga pala e Ukrainës. /DW

TË FUNDIT

ME TE LEXUARA

LEXO MË SHUMË

Former Vice President Joe Biden speaks at the Chuck Hagel Forum in Global Leadership, on the campus of the University of Nebraska-Omaha, in Omaha, Neb., Thursday, Feb. 28, 2019. (AP Photo/Nati Harnik)

“Vendet arabe gati të njohin Izraelin”, presidenti i SHBA, Joe Biden: Ja si mund të zgjidhet konflikti në Gaza

zelenski

Zelensky kërkoi në Tiranë që Ballkani të prodhojë armë

kuleba

Kuleba: Maqedonia e Veriut na ka ndihmuar shumë

turqi zgjedhjet

“Blindohet” Turqia, më shumë se gjysmë milioni njerëz do të angazhohen për të siguruar zgjedhjet lokale më 31 mars

Keshilli-i-Sigurimit-OKB

Izraeli anulon takimin e Uashingtonit pas votimit të armëpushimit të Gazës në OKB

Sulmi Moske Rusi

Thellohet bilanci, shkon në mbi 93 numri i viktimave nga sulmi terrorist në Moskë, çfarë dihet deri tani

Sulmi Moske Rusi

The Guardian: ISIS-i merr përgjegjësinë për sulmin në Moskë

rusia moska

Rusia sulmon digën më të madhe në Ukrainë

antoni blinken

Blinken thotë se Izraeli gabon nëse e pushton Rafahun

INFO

NA NDIQ