Pas njoftimeve për rritje të çmimit të energjisë elektrike, kryetari i Komisionit Rregullativ për Energji (RKE), Marko Bislimoski, thotë se është marrë vendim nga Qeveria, me të cilin ESM do t’i ofronte EVN-së sasi të energjisë elektrike me çmim prej 60 euro për megavat orë.
ESM do të jetë në gjendje të sigurojë 85 për qind të nevojave të furnizuesit universal, duke përfshirë familjet.
Çmimi do të ndikohet edhe nga marzhi i fitimit, i cili nga 1 korriku do të jetë 9.9 në vend të 11.5 për qind të mëparshme.
“KRRE nuk ka lejuar asnjëherë goditje çmimesh deri më tani, andaj edhe tani do të përdorim të gjithë mekanizmat që kemi në dispozicion që të mos ketë goditje çmimi. Duhet të presim deri sa të përfundojë tenderi për prokurimin e energjisë elektrike më 21 qershor dhe EVN Home t’i dorëzojë kalkulimet për çmimin e energjisë elektrike në kontrollin e RKE për të parë se cili do të jetë çmimi”, tha Bislimoski.
