Kafeja është një nga pijet më të dashura që ka miliona njerëz dhe njihet si “pija” magjike e mëngjesit.
Por, është e rëndësishme të dimë se çfarë ndodh me stomakun tonë nëse pimë kafe në mëngjes me stomakun plotësisht bosh.
Sipas HealthLine, fillimi i ditës duke pirë kafe nuk është aspak keq! Siç rezulton, kafeja mund t’ju përmirësojë disponimin dhe t’ju zgjojë mendjen, dhe nëse nuk shtoni qumësht dhe sheqer, mund t’ju ndihmojë gjithashtu të humbni peshë. Mund t’ju mbrojë edhe nga diabeti dhe Alzheimer!
Megjithatë, pirja e kafesë me stomakun bosh ka pasoja negative në shëndet. Konkretisht, probleme me tretjen.
Mësohet gjithashtu se një përqindje e vogël e njerëzve janë jashtëzakonisht të ndjeshëm ndaj kafesë dhe përjetojnë rregullisht urth dhe të vjella, shpeshtësia dhe ashpërsia e këtyre simptomave mbeten konstante pavarësisht nëse e pinë me stomakun bosh apo me ushqim.
Sigurisht, për shkak se çdo person është unik, duhet të shohë se çfarë i përshtatet më shumë dhe të “dëgjojë” trupin e tij dhe nëse e gjykojnë të nevojshme të konsultohet me një nutricionist.
