Nuk do të ketë ashpërsim të masave anti-Kovid, por as lehtësim.
Kështu ministri i Shëndetësisë, Bekim Sali ka bërë të ditur se nuk do ta shfuqizojë masën për të pavaksinuarit gjatë hyrjes në objekte gastronomike.
Ai madje porositi qytetarët që mos t’i falsifikojnë të njëjtat, pasi vijon përgjegjësi penale.
“Falsifikimi i një dokumenti bartë përgjegjësi penale, tani për tani vlejnë të gjitha masat që janë paracaktuar në periudhën e kaluar dhe ende i kemi aktive masat. Le të jetë ky një apel deri te të gjithë ata që eksperimentojnë dhe hyjnë në objekte hotelierike, apo restorante dhe qendra tregtare, mos t’i keqpërdorin certifikatat e huaja për arsye se mund të bartin edhe padi penale”, tha Sali, transmeton TV21.
