Kryetari i Forumit AFEDS, Muharrem Salihu më 8 dhjetor në cilësinë e kryetarit të këtij Forumi është nderuar me mirënjohje nga FNAI për promovimin dhe mbrojtjen e trashëgimisë kulturore dhe identitetit shqiptar në Itali, Shqipëri, Kosovë dhe Serbi.
“Këtë mirënjohje ia dedikoj të gjithë shqiptarëve të jugut të Serbisë, veçanërisht komunitetit të Medvegjës, i cili prej vitesh përjeton shkelje të rënda të të drejtave themelore.
Mbi 7,000 shqiptarë janë bërë viktima të “pasivizimit të adresave”, një formë e spastrimit etnik digjital që prek të drejtën e vendbanimit.
Ky vlerësim është një nxitje e mëtejshme për të ndërgjegjësuar institucionet italiane dhe ato ndërkombëtare, në mënyrë që situata të tilla të mos tolerohen më.
Së bashku mund të mbrojmë të drejtat e njeriut dhe të ruajmë identitetin tonë kulturor. Nga zemra falënderoj FNAI-n për këtë mirënjohje dhe të gjithë ata që punojnë çdo ditë për ta bërë komunitetin tonë më të fortë dhe më të bashkuar”, theksoi Salihu.
