Sam Altman rikthehet në bordin e drejtorëve të OpenAl

INA
INA

12/03/2024

Shefi ekzekutiv dhe bashkëthemeluesi i OpenAl, Sam Altman, është rikthyer në bordin e drejtorëve të kompanisë pas një hetimi të jashtëm për trazirat që dërguan në largimin e tij nga puna.

OpenAl tha se hetimi nga kompania ligjore WilmerHale, ka arritur në përfundimin se largimi i Altman ka qenë si pasojë e “prishjes së marrëdhënieve dhe humbjes së besimit” midis tij dhe bordit të mëparshëm.

Për më shumë se tre muaj, OpenAl ka zbuluar copëza nga ajo se çfarë e shtyu bordin ta largonte Altman, shkruan the Guardian.

Në një deklaratë në atë kohë, bordi e akuzonte Altman se nuk ishte “i sinqertë në komunikimet e tij”.

Por, më pak se një javë më vonë, ai u rikthye në pozitën e CEO-së pasi shumë anëtarë të kompanisë kërcënuan të jepnin dorëheqje nëse ai nuk kthehej, duke përfshirë kryetarin e bordit, Greg Brockman.

Bëhet e ditur se përveç Altman, tashmë bordit i janë shtuar edhe tre gra: Sue Desmond-Hellman, Nicole Seligman, dhe Fidji Simo.

Këto veprime janë pjesë e përpjekjeve të kompanisë për t’u treguar klientëve dhe investitorëve se po përpiqen t’i kalojnë problemet e brendshme që pothuajse e shkatërruan atë vitin e kaluar.

Bëhet e ditur se pjesa më e madhe e konflikteve të OpenAl janë të rrënjosura në strukturën e saj të pazakontë të qeverisjes.

E themeluar si organizatë jofitimprurëse e cila ndihmon njerëzimin, tani është një biznes i madh me rritje të shpejtë.

Por me sa duket kompania ka ende probleme me të cilat duhet të përballet, duke përfshirë një padi të ngritur nga miliarderi Elon Musk, i cili vite më parë ndihmoi në financimin e OpenAl.

Musk pretendon se kompania po e tradhëton misionin e saj themelues në ndjekje të fitimeve.

Gjithashtu, OpenAl është paditur edhe nga një sërë mediash duke përfshirë New York Times, Intercept, AlertNet, dhe Raw Story, mbi akuzat se produktet e tyre gjeneruese me Inteligjencë Artificiale (Al) kanë shkelur ligjet e të drejtave të autorit.

TË FUNDIT

ME TE LEXUARA

LEXO MË SHUMË

intel

Intel zbulon kompjuterin më të madh neuromorfik në botë “të frymëzuar nga truri i njeriut”

rrjete sociale instagram facebook tik tok

Ky rrjet social mund ta kërcënojë Facebook, Instagram dhe TikTok

facebook-meta

Çfarë bën inteligjenca e përmirësuar artificiale e WhatsApp, Instagram, Facebook dhe Messenger

perdoruesit-e-telegram-mund-te-terheqin-cdo-mesazh-te-derguar-e-madje-biseda-te-plota_5c9920008d185

Shpërndanin fotografi dhe video të ndryshme intime, kërkohet paraburgim për administratorin e grupit “Albkings”

nasa-toka-bota-zjarre

Bën kaq nxehtë, sa Toka rrotullohet më ngadalë

bill

“Edhe unë mund të humbas punën time”, thotë Bill Gates – teksa flet për të ardhmen e Inteligjencës Artificiale

nasa

Një helikopter i vogël robotik dërgoi mesazhin e fundit nga Marsi

apple-iphone-15-pro-3

Apple bëri të mundur që përdoruesit të shkarkojnë aplikacione nga faqet e internetit

bota-rrezik globi toka

Parashikimet e Nikola Teslës që janë realizuar deri tani

INFO

NA NDIQ