NEDELKOV: “LIGJI ËSHTË DISKRIMINUES DHE ANTIKUSHTETUES”
Rrogat nuk mund të jenë lineare por kjo duhet të varët nga pozita e punëtorit, propozim ligji për pagat në sektorin publik është diskriminues dhe antikushtetues. Kështu thotë kryetari i SASHK-ut Jakim Nedellkov. Ligji kufizon pjesëmarrjen e sindikatave në vendimmarrjet e Qeverisë dhe heq mundësinë e rregullimit të pagave me marrëveshje kolektive.
“Sidikata në këtë mënyreë nuk do të ketë ndikim aspak në dialogun social, për negociata me kompetentët dhe vlersojmë se kjo nuk është në rregull. Kalkulimet tona janë në qoftë se ky ligj kalon për 10 vite pagat do të barazohen me pocizionet e ulta të vendeve të punës me ato më të larta. Askund në botë nuk ka rritje të pagave në mënyrë lineare, për këtë gjë Qeveria do të duhet të na dëgjojë kërkesat tona” – deklaroi Jakim Nedellkov.
Ligji i tillë do të motivojë edhe më shumë të rinj të shpërngulen nga vendi, shton Nedellkov. Ndërsa shtoi se greva do të jetë opsion i fundit pasi që presin ftesë nga Qeveria për të diskutuar për ligjin.
“Paga minimale është 18 mijë denarë. Ndërsa me marrveshje kolektive është rreth 16 mijë denarë, e njejta është edhe në çerdhet. Paga mesatare është 24 mijë denarë, ndërsa paga më e lartë është 29 mijë denarë” – tha Jakim Nedellkov, kryetar i SASHK-ut.
Ditë më parë krymenistri i vendit deklaroi se qëllimi i këtij ligji është vendosja e konsistencës dhe harmonizimit hierarkik të pagave në sektorë të ndryshëm. Propozues i zgjidhjes ligjore është Ministria e Shoqërisë Informatike dhe Administratës, ndërsa sipas arsyetimit të publikuar në ENER, arsyeja për miratimin e tij është në atë se vendi nuk ka metodologji të barazuar për përllogaritjen e pagave në sektorin publik. /KlanMacedonia/
