Sasho Mijalkov prej sot në liri, drejtori i burgut të Strugës: Ka qenë shembull i mirë për të dënuarit tjerë!

Picture of INA
INA

23/05/2024

Ish-shefi i Drejtorisë së Sigurisë dhe Kundërzbulimit (DSK), Sasho Mijalkov, mëngjesin e sotëm rreth orës 09:30 është larguar nga burgu i Strugës, ku po vuante dënimin për rastin “Perandoria”, thotë drejtori i burgut për “360 Gradë” Valon Qura.

“Ai u largua sot, 9:20 – 9:30. Respektonte rregullat e shtëpisë, ishte shembull i mirë për të dënuarit e tjerë, ndihmonte të tjerët në detyrat e punës brenda burgut, rregullimin e parkut etj.”, thotë Qura.

Drejtori pohon se Mijalkov punonte si shofer për nevojat e burgut.

“Deri dje ka funksionuar. Veturën e ka drejtuar për nevojat tona, përmes Strugës dhe Ohrit”, tha shkurt Qura.

Ai i hedh poshtë si spekulime dyshimet në opinion se Mijalkov nuk ka qenë fare as në burg.

Mijalkov lirohet nga burgu me kusht që të mos kryejë krim deri më 25 prill 2025. Kështu vendosi Gjykata e Apelit në Shkup pas ankesës së tij kundër vendimit të Gjykatës Penale, sipas të cilit fillimisht ishte paraparë të lirohej me kusht në fund të vitit.

Apeli i Shkupit e pranoi ankesën e tij në seancën me dyer të mbyllura të mbajtur më 14 maj.

Mijalkov e pranoi fajësinë për rastin “Perandoria” në marrëveshje me Prokurorinë Publike dhe u dënua me tre vjet burg dhe konfiskim të pasurisë, siç pretendonte fillimisht kryetarja e PNKOK, Vilma Ruskovska, prej 30 milionë eurosh. Më vonë, pasuria e tij u vlerësua pothuajse në dyfishin e kësaj shume.

Ish-kreu i DSK-së akuzohej për veprat e bashkimit kriminal dhe marrjes dhe fshehjes së paligjshme të pasurisë.

Ai e ka vuajtur dënimin me burg në vend të “Idrizovës” në burgun e Strugës, i cili është i tipit të hapur, pasi pak para vuajtjes së dënimit ka ndërruar adresën nga Shkupi në Ohër.

Pasi Mijalkov u bë “banor” në burgun e Strugës, “360 gradë” në shtator të vitit 2022, për tre ditë regjistroi zhvillimet rreth objektit, i cili quhet edhe “qendra e turizmit të burgjeve”.

Mijallkovi nuk u pa në mesin e atyre që dilnin në mëngjes për të shkuar në punë dhe ktheheshin në mbrëmje për të fjetur. Drejtori Qura tha edhe atëherë se mund të pretendojë me përgjegjësi se nuk ka të dënuar të privilegjuar dhe se rregullat e shtëpisë respektohen plotësisht.

Ndryshe, ai në burgun e Strugës duhej të mbante dënimin deri më 25 prill të vitit 2025, si pjesë e dënimit me 3 vjet burg për rastin “Perandoria”, rast ku ai e pranoi fajin. Procedura për lirimin nga burgu erdhi si propozim i drejtorit të burgut të Strugës.

Ky është dënimi i vetëm me burg për Mijallkovin. Për çështjen “Tortura” dhe Thesari” ai ishte liruar nga akuzat, për rastin “Parcelat në Vodno” mori dënim me kusht, ndërsa rasti “Target” dhe “Kalaja 2” ishin vjetruar në bazë të ndryshimeve në Kodin Penal.

TË FUNDIT
10 minuta
Cilat janë prioritet e VLEN-it në këtë Qeveri? Flet deputetja Mimoza Musa
2 orë
Sot bëhet varrimi i gazetarit Isuf Kadriu
2 orë
Ministri Mucunski do të marrë pjesë në mbledhjen e Këshillit të Punëve të Jashtme të BE-së
2 orë
QMK: Po sanohen dëmet nga moti i ligë në Tetovë dhe Shkup
3 orë
Xhaferi sot do t’ia dorëzojë funksionin e kryeministrit Hristijan Mickoskit

ME TE LEXUARA

13 orë
Sela: Nuk do jemi prezent në votimin e një qeverie e cila nuk është legjitime dhe nuk e ka legjitimitetin e shqiptarëve
3 orë
Xhaferi sot do t’ia dorëzojë funksionin e kryeministrit Hristijan Mickoskit
1 ditë
Deri në mesnatë pritet votimi i Qeverisë së re
13 orë
Mexhiti: Sonte u votua qeveria e re, ky është misioni ynë
2 orë
QMK: Po sanohen dëmet nga moti i ligë në Tetovë dhe Shkup

LEXO MË SHUMË

mimoza

Cilat janë prioritet e VLEN-it në këtë Qeveri? Flet deputetja Mimoza Musa

isuf kadriu

Sot bëhet varrimi i gazetarit Isuf Kadriu

timco mucunski

Ministri Mucunski do të marrë pjesë në mbledhjen e Këshillit të Punëve të Jashtme të BE-së

bresher

QMK: Po sanohen dëmet nga moti i ligë në Tetovë dhe Shkup

talat xhaferi

Xhaferi sot do t’ia dorëzojë funksionin e kryeministrit Hristijan Mickoskit

arben taravari

Taravari cakton zëvendësin e tij dhe ka një mesazh për gostivarasit

varhelyi

Varhelyi uron Mickoskin: Pres të bashkëpunojmë për të avancuar rrugën europiane të vendit

Mickoski

Kush është Hristijan Mickoski, kryeministri i ri i Maqedonisë së Veriut

moti shiu

Mot me diell dhe shumë i nxehtë, pasdite në disa pjesë të luginave paraqitje e mundshme e shiut të rrëmbyeshëm, bubullimave dhe erës së fuqishme

INFO

NA NDIQ