Kancelari gjerman në largim, Olaf Scholz njoftoi sot se nuk do të jetë në qeverinë e ardhshme të Gjermanisë, shtoi se Socialdemokratët (SPD), nuk do të marrin pjesë në bisedimet për formimin e ekzekutivit, të cilat do t’i zhvillonin demokristianët (CDU/CSU).
“Nëse ka bisedime, për shembull mes SPD dhe CSU, unë nuk do të jem negociator në emër të SPD”, deklaroi Shplc për ZDF.
Ai theksoi edhe se “nuk do të jetë përfaqësues i SPD në qeverinë e kryesuar nga CDU-ja, as nuk do të negociojë për atë”, publikoi DW.
Përfaqësues të lartë të socialdemokratëve pas debaklit zgjedhor dhe rezultateve preliminare e zgjedhjeve parlamentare, sipas të cilëve kanë fituar 16,5 për qind të votave, paralajmëruan riorganizim të kuadrove.
