Së shpejti do të mësohet nëse Dimovski do të “shpëtojë” nga skandali me shtetësinë Onishçenkos

Iliria News Agency
Iliria News Agency

6 Janar, 2023

Pas festave do të vendoset nëse ish drejtori i ASK-së, Viktor Dimovski shkon ose jo ambasador në Francë. Qeveria do të duhet të vendos për fatin e tij, duke pasur parasysh dy situatat: kalimin e filtrave për përfaqësues diplomatik dhe skandalin me shtetësinë e spiunit rus deri sa Dimovski ishte në krye të sigurisë kombëtare. Për këtë të fundit, ndonëse nisi procesi i llogaridhënies në kuadër të Komisionit parlamentar për mbikëqyrjen e punës së ASK-së dhe Agjencisë së Zbulimit, Dimovski dha dorëheqjen vetëm pas seancës së parë.

Në vendin e tij u emërua Zarko Milloshevski, njeriut të cilit i qëndron nënshkrimi në dokumentin që vlerëson nivelin e kërcënimit të sigurisë nga ana e Oleksander Onishçenko. Në atë dokument, i cili u publikua në media dhe rrjete sociale, vlerësohet se Onishçenko nuk përbën element i cili cenon sigurinë dhe për të nuk ekzistojnë pengesa të këtij karakteri.

Skandali çoi në suspendim dy të punësuar në ASK për fatin e të cilëve nuk dihet më. Opozita akuzoi se Milloshevski ka krijuar komision të ri disiplinor për vërtetimin e përgjegjësisë, sipas tyre me njerëz të afërt me qëllim mbylljen e aferës pa pasoja juridike.

Zarko Milloshevski e gjeti ASK-në me mijëra kërkesa të pa proceduara për shtetësi edhe pse sipas ligjit brenda 6 muajve përgjigja duhet t’i jepet palës që kërkon statusin shtetas. Jo zyrtarisht mësohet se kreu i ASK-së do të bën një revizion për të gjitha kërkesat pas çka do të detektohen arsyet e mos procedimit. Nuk dihet nëse zvarritja e kërkesave në mënyrë jo ligjore do ta obligon Milloshevskin t’i nënshkruaj ekspres kërkesat që kanë bazë, apo palët do të njoftohen për rifillimin e procedurave. Në pozitën e drejtorit të ASK-së Milloshevski erdhi nga pozita e ndihmës-drejtorit në Sektorin për verifikime sigurie dhe NATO regjistrit. /Alsat.mk

ME TE LEXUARA

LEXO MË SHUMË

biljana angelova

Biljana Angellova, rektore e re e Universitetit “Shën Kirili dhe Metodi”

visar ganiu

Ganiu: Bulevardi “Cvetan Dimov” në Çair po bëhet realitet

bekteshi

“Haraçina nuk është në hënë”, Bekteshi i kërkon Spasovskit ta kryej punën!

Jeff_Hovenier

Hovenier: Kriza në veri të Kosovës ishte e panevojshme dhe dëmtoi marrëdhëniet e saj më SHBA-në

Feta Alimi lirohet

BESA: Sot pas gjashtë viteve lirohet nga burgu Abdylfeta Alimi

kasami alsat

Kasami: 20 %, kusht për ndryshimet kushtetuese

grubi balluku

Grubi – Balluku: Jetësimi i Korridorit 8, arritje e madhe për mbarë rajonin

danela-arsovska2

Arsovska: Nëse nuk do të ishte hakuar sistemi financiar, do të ishin paguar transaksionet tona

veriu kosoves leposaviq

LIVE: NATO-ja dislokon forca shtesë në Kosovë – kjo është lëvizja e fundit nga Lista Serbe!

INFO

NA NDIQ