Në Gjykatën e Tetovës sot vazhdoi seanca për djegien e spitalit modular në Tetovë ku u prezantuan dëshmitë nga ana e Prokurorisë.
Pas një procesimi të shkurtër të lëndës, trupi gjykues vendosi që seanca e radhës të vazhdoj më 13 maj, ku do të lexohen fjalët përfundimtare.
Para fillimit të seancës u paralajmëruar se pitet të dëshmojnë edhe tre dëshmitarët nga mbrojtja e të akuzuarit Florin Besimit.
Në këtë rast akuzohen ish drejtori mjekësor i spitalit Florin Besimi, ish drejtori Ekonomik Artan Etemi dhe Spitali i Tetovës si person juridik.
Besimi dhe Etemi, akuzohen për veprën penale “Krime të rënda kundër sigurisë publike”, ndërsa ISHP Spitali Klinik i Tetovës për veprën penale “Shkaktim i rrezikut të përgjithshëm”.
Rasti rigjykohet pasi Gjykata e Apelit të Gostivarit e ka kthyer lëndën në Gjykatën Themelore në Tetovë. Megjithatë, të akuzuarit nuk akuzohen për shkaqet e zjarrit por për vepra tjera penale.
Në ndërkohë, Prokuroria për Ndjekje të Krimit të Organizuar dhe Korrupsionit po zhvillon një hetim tjetër për këtë rast, i cili është në procedurë para hetimore.
Deri më tani janë mbajtur shtatë seanca të rigjykimit.(INA)
