Kuvendi dje në seancën miratoi vendimin për shkarkimin e drejtorit të Agjencisë për Administratë, Spase Gligorov dhe zëvendësit të tij, Agron Seferi, shkruan Alsat.
Deri në emërimin e dy krerëve të ri, agjencia do të jetë pa udhëheqës.
Në lidhje me shkarkimin nga detyra ish zëvendësi Agron Seferi për të cilin u pretendua se kur është emëruar nuk ka ofruar diplomën adekuate, Seferi ka sqaruar të kundërtën.
“Për të mbrojtur dinjitetin tim personal dhe për hir të opinionit publik, kundërshtoj këto gënjeshtra, duke paraqitur dëshmi që tregojnë qartë se diploma ime është adekuate dhe e lëshuar nga Universiteti Shtetëror i Tetovës”, tha Agron Seferi – Ish zëvendës drejtor i Agjencisë për Administratë.
Tani me i sapo shkarkuari në redaksinë e Alsat ka dërguar edhe dokumentacionin dhe së bashku me diplomën, për të cilin të cilat siç thotë ishte shkarkuar me arsyetimin se nuk i ka përmbushur kriteret ligjore dhe ka dorëzuar diplomën joadekuate. Ndërkohë shton se dokumentacioni i njëjtë është i qasshme edhe në arkivin e faqes zyrtare të Kuvendit. Seferi u zgjodh për zëvendësdrejtor në vitin 2021. / Alsat.mk
