Sekretari i Përgjithshëm i Aleancës për Ardhmërinë e Kosovës (AAK), Muharrem Nitaj, ka reaguar pas deklaratës së kryeministrit të Shqipërisë, Edi Rama, për marrjen nën kontroll të veriut nga ana e KFOR-it.
Nitaj e ka quajtur njeri të çuditshëm kryeministrin Rama.”Edi Rama, ky njeri i çuditshëm. Paska kërkuar që KFOR-i ta marrë nën kontroll veriun e Kosovës. Bile këtë kërkesë thotë se paskësh bërë edhe në samitin e NATO-së, të mbajtur kohë më parë”, ka thënë Nitaj.
“Edi Rama, ky njeri i cuditshem
Edi Rama paska kerkuar qe KFOR ta marre nen kontroll veriun e Kosoves. Bile kete kerkese thot se paskesh bere edhe ne samitin e NATO-s te mbajtur kohe me pare.
Si eshte e mundur qe te kerkoje dicka, jo per vete por per te tjeret. Bile do te duhej te kishte pyetur nese kjo eshte kerkese e Kosoves.
I cuditshem ky njeri!
Sa ia ben “fora” ne Keshillin e Sigurimit, sa e jep nje deklarate “perle” per ta kundershtuar deklaraten e BE-se per ngjarjet ne veri dhe hop e bjen ne fund te pusit.
E ben nje kerkese, per dhe ne emer te Kosoves, te njejte me kerkesen e presidentit serb.”, ka shkruar Nitaj në facebook.
Rama: Veriu i Kosovës të merret në kontroll nga KFOR-i
Kryeministri i Shqipërisë, Edi Rama ka bërë thirrje që KFOR-i ta marrë kontrollin e veriut të Kosovës për të parandaluar ndonjë konflikt më të madh, që sipas tij, sot është më i mundshëm se asnjëherë më parë.
Në një konferencë për media të enjten, Rama ka thënë se një gjë të tillë e ka propozuar edhe në samitin e NATO-s.
“Nga ana tjetër, dua ta theksoj që gjërat mund të shkojnë larg dhe mund të shkojnë shpejt. Ndaj jo vetëm niveli i përfaqësimit të komunitetit euroatlantik duhet ngritur larg dhe duhet ngritur shpejt, por duhet pasur parasysh që kjo të bëhet se përndryshe bashkë me stokun e gjithë atyre marrëveshjeve përgjithësisht të pazbatuara, vonesa në hedhjen e këtij hapi mund të sjellë dhe një stok viktimash të një konflikti të armatosur. Për të parandaluar në çdo mënyrë këtë konflikt, që sot duket më i mundshëm se herë të tjera, KFOR-i duhet të marrë në kontroll veriun e Kosovës. Është një propozim që e kam bërë më parë, edhe në Samitin e NATO-s dhe e kam shpjeguar gjerë e gjatë pse. Çdo hezitim dhe çdo vonesë, jo s’kemi trupa apo ndonjë arsye tjetër, mund ta bëjë ndërhyrjen e nesërme të KFOR-it, shumë më të madhe në trupa dhe me shumë vështirësi”, ka thënë Rama.
