Ziadin Sela do të kandidojë për mandatin e tij të dytë në krye të Aleancës për Shqiptarët (ASH), në Kongresin e partisë që do të mbahet më 27 mars të këtij viti. Këtë e ka bërë të ditur në një intervistë për gazetën LAJM, numri dy i ASH-së, Arben Taravari. Ai tha, se do të qendrojë fuqishëm pas kandidaturës së Selës, nëse në Kongres paraqitet edhe ndonjë kandidaturë tjetër.
“Ne me kryertarin Ziadin Selën kemi biseduar disa herë hapur. Ne kemi funksionuar si binom dhe nuk kemi pasur asnjëherë probleme. Unë edhe këto katër vite që kaluan, te Aleanca për Shqiptarët ku kam qenë sekretar gjeneral, jam ndjerë edhe si kryetar i partisë. Ka pas dilema kryetari, të vazhdojë ose jo. Por, tash jemi dakorduar që ai të vazhdojë edhe një mandat. E ka përkrahjen time absolute. Nëse paraqitet ndonjë kandidaturë tjetër, unë do të qendroj pas Ziadin Selës dhe do ta mbështes fuqimisht kandidaturën e tij”, tha Taravari për gazetën LAJM.
