Analisti i njohur Sefer Selimi, e quan të turpshëm dhe të ndikuar nga politike, vendimin e Gjykatës së Tetovës për zjarrin në Spitalit Modular në Tetovë, ku humbën jetën 14 persona.
Për këtë rast tragjik, dy drejtorët e Spitalit të Tetovës u dënuan me 1,5 vjet burg me kusht, ndërsa mjeku Boban Vuçevski, u lirua tërësisht nga akuza. Ndërkohë subjekti juridik Spitali Klinik i Tetovës duhet të paguajë një milion denarë për mosveprim.
“Sistemi i drejtësisë në Republikën e Maqedonisë, çdo ditë e më tepër vërteton mungesën e besueshmërisë nga ana e qytetarëve. Qytetarët e Republikës së Maqedonisë vetëm 4% i besojnë sistemit të drejtësisë që nënkupton se shumica absolute, as që beson se në këtë vend jepet drejtësi. Në këtë kontekst është edhe vendimi për rastin e spitalit modular, ku nëse jo diçka tjetër, unë do ta karakterizoja si të turpshëm, poshtërues dhe në një formë për familjarët dhe gjithë qytetarët është një nënçmim që kjo drejtësi po ju bën atyre. 14 jetë të humbura, 14 familje të traumatizuara, një shoqëri e tërë e cila kaloi përmes asaj traume dhe i pamë të gjitha ato skena që ishin të tmerrshme dhe kanë mbetur në mbamendjen kolektive tonën, si një prej rasteve më tragjike, ku fatkeqësisht ishim dëshmitarë të drejtpërdrejt përmes videove dhe në fund një vendim gjykate që askënd nuk nxjerr fajtor. Ky dhe disa raste tjera që janë eklatante dhe shërbejnë si shembull i drejtpërdrejt pse qytetarët e këtij vendi nuk i besojnë drejtësië”, tha analisti Sefer Selimi për gazetën LAJM.
LAJM: Politika nuk duhet të ndërhyjë në gjyqësor, megjithatë, në të kaluarën për raste apo dënime kontradiktore ka pas reagime të ashpra. Ky vendim sikur kaloi pa shumë zhurmë. Pse mendoni se partitë mbetën pa zë këtë herë?
“Partitë politike dhe liderët politikë gjithmonë mundohen të hiqe përmes frazës se nuk ndërhyjnë në raste gjyqësore. Mos ndërhyrja në rastet gjyqësore ndodh kur nuk është i prekur interesi i tyre i drejtpërdrejt. Kur është i prekur interesi i tyre i drejtpërdrejt ata jo vetëm që ndërhyrjnë, por me këmbë e duar janë brenda për të ndikuar për vendimet që do t’i merr gjyqësori. Në këtë rast kalojnë ministra, drejtor, por edhe firma që e ndërtoi modularin në spitalin e Tetovës, kalojnë me dënime inekzistente dhe natyrisht që këtu mund të vlerësohet se për shkak edhe të ekspozimit të lartë të vet ministrave, drejtorëve që kanë qenë njerëz me peshë në partitë politike që mund të ketë pasur edhe ndikim nga ana e politikës dhe prandaj sikur duan që kjo ngjarje të harrohet dhe mos të ekzistojë në mbamendjen kolektive”, tha analisti Sefer Selimi për gazetën LAJM.
https://www.facebook.com/lajmtvonline/videos/790359479255041/
