Sa i përket akomodimit, Federatës Serbe i është sugjeruar që skuadra të qëndrojë afër stadiumit, por për arsyet e tyre, diçka e tillë nuk është pranuar. Kështu, ekipi dhe delegacioni i Serbisë do të akomodohen në hotel ‘Hilton’ afërsi të Pallatit me Shigjeta.
Sot, kur do të zhvillohet konferenca apo stërvitja përpara ndeshjes, apo edhe ditën e ndeshjes, autobusi i ekipit të Serbisë do të shoqërohet me eskortë policie. Ndërkohë, në zonën rreth stadiumit do të vendoset një perimetër sigurie, për të parandaluar ndonjë surprizë që mund të shkaktojë incidente.