Serbia në flakë protestash: Mbi 100 mijë qytetarë kundër Vuçiqit

Mbi 100.000 e disa thonë madje rreth 140.000 studentë dhe njerëz të tjerë kanë demonstruar mbrëmë dhe gjatë natës së kaluar kundër regjimit të Vuçiqit në Serbi dhe kanë kërkuar zgjedhje të parakoshme dhe përgjegjësi për qeveritarët në Serbi.
Por Vuçiqi nuk ua vari fare demonstruesve dhe akoma pa filluar ptoesta tha se nuk do t’i plotësojë kërkesat e tyre. Kjo ka bërë që edhe demonstruesit të elektrizohen dhe të shpërthejë dhuna. Protesta ishte një prej më të mëdhave në Serbi në muajt e fundit. Pas fjalimeve dhe shetitjeve të qeta dhe paqësore, mbaroi protesta zyrtare dhe më pas filluan incidentet dhe dhuna.
Qindra protestues ishin të gatshëm të përleshen edhe me policinë. Ka pasur hedhje gurësh, topa me ujë, shkopinj, gaz lotësjellës… Ka pasur edhe shumë të lënduar, kryesisht lehtë, dhe disa të arrestuar. Shifrat akoma nuk dihen sakt, por Vuçiqi dhe makineria e tij e dhunës treguan se ishin përgatitur mirë për dhunë dhe incidente. Vuçiqi ka deklaruar madje se e di sakt se kur do të fillojë dhuna dhe incidentet, që lë të kuptohet se këtu mund të ketë pasur edhe inskenime. Sidoqoftë, dhuna dhe incidentet ishin ndër më të mëdhatë që prej filllimit të protestave në nëntor të vitit të kaluar.
Po tani? Protestat do të vazhdojnëluar. Vuçiqi thotë se nuk do të lëshojë pe dhe nuk do t’i plotësojë kushtet e tyre.
Edhe studentët dhe protestuesit thonë se nuk do të heqin dorë nga kërkesat e tyre.
Priten protesta të reja..