Serbia ka nisur të shpërndajë nga 10 mijë dinarë apo rreth 85 euro për çdo fëmijë në moshën deri 16 vjeç.
Mbi 300 mijë fëmijë u regjistruan për disa orë për të përfituar ndihmën e njëhershme nga shteti. Regjistrimi do të zgjas deri më 20 shtator.
Regjistrimi është shumë i thjeshtë dhe aplikanti, pra nëna, vendos numrin e kartës së identitetit dhe numrin e saj personal të identifikimit, si dhe emrin e bankës ku kërkon të paguhen paratë.
Pagesa do të fillojë më 25 shtator dhe pagesat do të përfundojnë në fund të atij muaji.
Të gjithë fëmijët deri në moshën 16 vjeçare do të marrin mbështetje prej 10.000 dinarë serb, ose afërsisht 85 euro. (INA)
