“Zemra e tij po dobësohej, si një bombë me sahat, por ai nuk donte të dorëzohej”, tha Philippe Degen, menaxheri i tij
Java e kaluar u shënua nga vdekja tragjike e Raphael Dwamena në ndeshjen e xhiros së 13-të të kampionatit shqiptar mes Egnatia dhe Partizanit. Lojtari ndërkombëtar nga Gana u rrëzua në minutën e 24-të pas një ataku kardiak, ekipi mjekësor tentoi ta ringjallte, por nuk mundi ta shpëtonte.
Nuk kishte asnjë informacion të saktë deri më sot, kur agjenti i Raphael Dwamen tregoi. Ish-ndërkombëtari i Ganës kishte probleme me zemrën gjatë gjithë karrierës së tij, gjë që e pengoi atë të arrinte sukses më të madh. Për këtë arsye pothuajse të gjitha klubet vendosën të ndërpresin bashkëpunimin me të, por ai nuk ka dashur të heqë dorë nga futbolli.
RIP Raphael Dwamena 😭💔pic.twitter.com/AQ7xLCIm2L
— Hazard Jersey (@HazardJersey10) November 11, 2023
Dy vite më parë, Dwamenës iu implantua një defibrilator, njëlloj si Christian Eriksen, por agjenti Philippe Degen tregon, se as pajisja mjekësore nuk arriti ta ndihmonte.
“Dwamenën e dua si djalin tim… Ishte njeri i mrekullueshëm, e dua shumë. Ai nuk donte të hiqte dorë nga futbolli, kishte shumë opsione. Ai mund të ishte bërë agjent, trajner apo ambasador. Të gjithë e lutëm të ndalonte, e dinim se zemra e tij po dobësohej gjithnjë e më shumë dhe ishte si një bombë me sahat. Çdo person tjetër do të tmerrohej në një gjendje të tillë, por në vend të shkencës, ai besonte te Zoti”- tha Degen.
Gjatë karrierës së tij, Dwamen luajti për Red Bull, Austria Lustenau, Cyrih, Levante, Zaragoza, Weil, Linz, Old Boys dhe Engatia, ndërkohë ai kishte luajtur edhe nëntë ndeshje dhe shënoi dy gola për kombëtaren e Ganës.
