Shaqiri: Disponojmë me 720 asistentë arsimorë, nëse ka nevojë, numri do të rritet

INA
INA

08/06/2023

Disponojmë me 720 asistentë arsimorë dhe nëse ka nevojë, do të angazhohet kuadro shtesë, për çka do të parashtrohet kërkesë deri te Ministria e Financave, deklaroi sot ministri i Arsimit, Jeton Shaqiri.

Pas ndarjes së granteve në kuadër të projektit të OSBE-së “Ndërtojmë ura të reja”, në pyetje të gazetarëve nëse MASH disponon me numër të mjaftueshëm të asistentëve arsimorë, pasi, gjoja nuk do të ketë regjistrime të nxënësve të klasës së parë në shkollën “Zllatan Sremec” dhe fëmijët me zhvillim tipik dhe atipik do të mësojë së bashku, Shaqiri tha se nuk ka informata për shkollën e përmendur, si dhe se fëmijët në këtë moment përmes aplikacionit elektronik në vijim është regjistrimi për nxënësit në shkollat fillore, e së shpejti do të fillojë edhe në ato të mesme.

“Në vitin paraprak kemi pasur 500, ndërsa këtë vit kemi 720 asistentë arsimorë. Shpresoj se gjatë periudhës së ardhshme, sipas të dhënave që do t’i marrim nga qendrat, do të dimë edhe cili do të jetë numri i ri”, tha Shaqiri.

Lidhur me atë nëse në sajtin “Denonco dhunë”, ka denoncime të reja, ai tha se numri i fundit ka qenë 20 denoncime, por se ky numër vazhdimisht ndryshohet dhe rritet.

“Edhe në atë numër kemi situata ku, përveç se kemi informata ku është vepruar, me rëndësi për mua është se nga të gjitha ato 20 denoncime, kuadrot profesionale në të gjitha shkollat janë ftuat në Ministri, janë mbledhur informata dhe aty ku u konfirmua informata nga denoncimi, janë ndërmarrë hapa, me këtë rast nëse ka pasur nevojë, janë informuar edhe institucionet – qendrat për punë sociale, MPB ose pedagogët dhe psikologët nëse nuk kanë vepruar. Me përfundimin e vitit shkollor ka më pak denoncime, por u bëj thirrje të gjitha shkollat nëse kanë situata të tilla, edhe gjatë pushimit, le t’i paraqesin”, thotë ministri i Arsimit.

Për atë se sa prej këtyre paraqitjeve janë për mosveprim nga ana e kuadrove profesionale lidhur me rastet e dhunës, ai tha se bëhet fjalë për një ose dy raste.

“Me parashtrimin e mejleve, ne i kontrollojmë ato informata. Ndonjëherë kemi denoncime anonime, që dërgohen tek ne. Për to institucionet parashtrojnë raport ku është vepruar, ka edhe situata ku pas thirrjes nga ana e shërbimeve deri te prindërit, ata nuk u përgjigjen thirrjeve. Për këtë shkak nga të gjitha situatat kemi konstatime se nxënësit janë ftuar. Nuk janë të shpeshta rastet ku shërbimet pedagogjike nuk kanë vepruar, ato janë një apo dy raste, por më me rëndësi është se duhet të jemi përgjegjës të gjithë që jemi përfshirë në këtë proces, dhe “te rastet e dhunës mes nxënësve) prindërit nga të dy palët të përfhsihen dhe të mos i akuzojnë institucionet”, thotë ministri i Arsimit, Shaqiri.

TË FUNDIT

ME TE LEXUARA

LEXO MË SHUMË

shaqir

Ndërroi jetë kryetari i parë i Komunës së Tetovës

vlen-saraj-2-1024x634

VLEN hapin shtabin zgjedhor në komunën e Sarajit

Untitled-9-750x430

Menduh Thaçi morri pjesë në iftar në Gostivar

stojance-angellov-701x430

Angellov: Do të kthehesha në LSDM nëse më japin rrogë 5.000 euro

434708859_960516218772071_2068840344088934652_n-800x533-1

Taravari dhe Kasami të pranishëm në panelin e diskutimit për integrimin e personave me aftësi të kufizuara

ce7181ac-cc2e-4e49-8b1a-a2de89258e52

VLEN hapi shtabin zgjedhor në Zhelinë

ASH Sela Taravari

Taravari reagon pas vendimit të ASH-së së Selës që ti bashkohet “Frontit Evropian”

Ali Ahmeti Ziadin Sela

Sela i thotë PO koalicionit me Ali Ahmetin, bashkë me ‘Frontin Evropian’

artan grubi

Pasi ASH-ja u rreshtu në “Frontin Europian”, Grubi: Si mbet puna e 20 plusit?!

INFO

NA NDIQ