Nuk do të ketë ngecje në transaksionet e bursave, pagesa ka të bëjë me programet për studentët dhe për standardin studentor që kaloi në seancën e Qeverisë dy javë më parë dhe ka nisur procesi i përpunimit të të dhënave. Nga e premtja, dje, sot, nesër, çdo ditë janë ndarë bursa për përfituesit e vitit paraprak, tha ministri i Arsimit dhe Shkencës Jeton Shaqiri.
Për bursat e reja, megjithatë, siç tregoi ai, data e publikimit të rezultateve sipas shpalljes është data 31 janar.
“Kjo do të thotë sot. I bëj thirrje të gjithë studentëve – rezultatet do të shpallen për të gjitha kategoritë, duke përfshirë edhe bursat e reja që janë futur për herë të parë për profesionet e Bujqësisë”, informoi ministri i Arsimit dhe Shkencës.
Ato janë prej 18.000 denarë dhe më të larta se bursat tjera, ashtu siç ka qenë edhe për profesionet tjera deficitare që nga vitet e kaluara.
Lajmi pozitiv, siç tha ai, është se parashikohen mjete për disa studentë që marrin një shumë më të ulët për bursë të së njëjtës kategori dhe të tjerë marrin një shumë më të lartë.
“Për to është diskutuar këtë periudhë. Të gjithë ata studentë që janë mbi tre mijë gjithsej do të ftohen në Ministrinë e Arsimit dhe Shkencës për të shqyrtuar mundësinë e nënshkrimit të një aneksi të marrëveshjes në mënyrë që të marrin të njëjtën vlerë nga kategoria e bursave, në mënyrë që të mos jenë të diskriminuar”, shtoi Shaqiri, duke iu përgjigjur pyetjeve të gazetarëve pas nënshkrimit të Memorandumit për bashkëpunim me Ambasadën e Zvicrës për avancimin e arsimit të mesëm profesional për vitin 2023-2026.
