Ministri i Punëve të Jashtme, BE-së dhe Bashkëpunimit i Mbretërisë së Spanjës, Jose Manuel Albarez Bueno, me ftesë të Ministrit të Punëve të Jashtme, Bujar Osmani, sot do të jetë në një vizitë pune njëditore në Shkup, njoftoi MPJ.
Shefi i diplomacisë spanjolle, Albarez, përveç takimit me nikoqirin e tij, ministri Osmani, do të takohet edhe me zëvendëskryeministrin përgjegjës për çështje evropiane, Bojan Mariçiq.
Krahas marrëdhënieve dypalëshe mes dy vendeve, vend qendror në bisedimet pritet të jetë përshpejtimi i procesit të anëtarësimit të Maqedonisë së Veriut në Bashkimin Evropian, në dritën e presidencës së ardhshme të Spanjës me Këshillin e BE-së në gjysmën e dytë të vitit. Në këtë drejtim është planifikuar nënshkrimi i Memorandumit dypalësh të Mirëkuptimit për zhvillimin e bashkëpunimit në procesin e anëtarësimit në BE.
Në takimet do të diskutohet edhe për mundësitë për thellimin e marrëdhënieve ekonomike, si dhe bashkëpunimin sektorial në segmente të tjera të jetës shoqërore.
Vizita e Albarezit në Maqedoninë e Veriut është pjesë e turneut të tij në Ballkan. Pardje ishte në Beograd, dje në Sarajevë, ndërsa pardje në Shkup do të vizitojë edhe Tiranën.
Ministria e Jashtme spanjolle tha se Albarez po vinte në Balakan për të përcjellë interesin e ripërtërirë të Madridit për vendet e rajonit dhe për të njoftuar se Spanja, pasi të marrë presidencën e BE-së më 1 korrik, do të mbështesë përpjekjet e tyre për t’u bashkuar me bashkimin. (INA)
