Kryetari i Komitetit Ushtarak të NATO-s, admirali Rob Bauer, po zhvillon një vizitë zyrtare në Maqedoninë e Veriut.
Ai sot do të ketë takime me shefin e Shtabit të Përgjithshëm, gjenerallejtënant-kolonelin Vasko Gjurçinovski dhe ministren e Mbrojtjes Slavjanka Petrovska.
Sipas rendit të ditës, pas takimeve do të mbahet një konferencë për shtyp.
Gjatë vizitës në Shtabin e Përgjithshëm dhe në Ministrinë e Mbrojtjes, kryetari i organit më të lartë këshillues ushtarak të NATO-s do të njihet me planet dhe zhvillimin e kapaciteteve të Armatës së Republikës së Maqedonisë së Veriut, procesin e transformimit dhe pajisjes, si dhe me pjesëmarrjen e Ushtrisë në operacione dhe aktivitete stërvitore.
Admirali Bauer gjatë ditës do të ketë takim me kryetarin e shtetit Stevo Pendarovski dhe ministrin e Punëve të Jashtme Bujar Osmani.
Bauer do të vizitojë edhe kazermën “Ilinden”, ku do të ndjekë një pjesë të aktiviteteve të planifikuara të batalionit të forcave speciale, ndërsa të nesërmen do të vizitojë edhe Akademinë Ushtarake “Gjeneral Mihailo Apostolski”, ku do të mbajë një leksion për pjesëtarët. të Shtabit të Përgjithshëm dhe të Akademisë Ushtarake. (INA)
