Nëse keni vënë re se jeni bërë i ndjeshëm ndaj tingujve të caktuar, mund të keni probleme me dëgjimin.
Nëse vëni re nuk mund të dëgjoni tinguj me zë të lartë, keni vështirësi të kuptoni një bisedë kur rreth jush ka zhurmë, i kërkoni dikujt të përsërisë atë që ju tha, flisni me zë më lartë, kjo do të thotë se keni dëmtuar dëgjimin.
Këto probleme nuk prekin vetëm të moshuarit. Sipas një studimi rreth 80% e të rinjve midis moshës 13 dhe 18 vjeç dëgjojnë shpesh muzikë me zë të lartë, për të paktën tre orë në ditë (si dhe një numër i madh i njerëzve të moshuar), kjo ndikon në nervin e dëgjimit dhe një pjesë të veshit të brendshëm.
Efektet negative janë më të theksuara nëse muzika dëgjohet përmes kufjeve dhe i përdorni vazhdimisht duke folur në celular.
Ekspozimi i tepërt ndaj zhurmës së lartë nga kufjet është shkaku i dytë më i zakonshëm i dëmtimit të përkohshëm ose të përhershëm të dëgjimit (pas moshës së vjetër), dhe ekspertët paralajmërojnë se edhe zhurma e moderuar, jo vetëm zhurma e lartë, që vjen nga kufjet (ose mjedisi) për periudha të gjata koha është shumë e dëmshme.
Nëse ende nuk dëshironi ose nuk jeni në gjendje të hiqni dorë nga kufjet, ndiqni këto këshilla nga një otolaringolog: kufizoni kohën e përdorimit, ulni nivelin e zhurmës së kufjeve nën nivelin e rekomanduar, përdorni kufje që bllokojnë zhurmën e jashtme, kjo ju lejon të dëgjoni muzikë më qetë si dhe shmangni dëgjimin e muzikës me zë të lartë edhe kur nuk mbani kufje.
