Shërbimi i zjarrfikësve në Tetovë vitin e kaluar ka realizuar 646 ndërhyrje

Iliria News Agency
Iliria News Agency

04/01/2022

Zjarrfikësit e Tetovës gjatë vitit 2021 kanë pasur gjithsej 646 ndërhyrje në zjarre dhe aksidente trafiku, sipas të dhënave të tyre. Kjo shifër ilustron punën dhe intervenimin e përditshëm e Njësisë territoriale kundër zjarrit në Tetovë, thotë komandanti i zjarrfikësve Uka Aliti.

“Të gjitha këto 646 ndërhyrje tona kundër zjarrit janë bërë jo vetëm në zonën e Tetovës por edhe në pesë komunat tjera rurale. Ne mbulojmë një nga territoret më të mëdha nga Jazhinca deri në Pirok, ndërsa gjatë vitit sigurisht që kemi qenë në ndihmë të kolegëve tanë në komunën Gostivar dhe Mavrovë-Rostushe. Unë do të vazhdoj t’u bëj thirrje komunave rurale që të krijojnë brigada vullnetare të zjarrfikësve apo njësitet komunale për ndërhyrje që do të bënin një ndërhyrje fillestare derisa të arrijmë ne”, tha Uka Aliti.

Shumë nga zjarret këtë vit kanë ndodhur në mjedise të hapura. Sipas Alitit, mbi 200 nga numri i përgjithshëm i ndërhyrjeve janë bërë në sipërfaqe pyjore, tokë arë dhe fusha.

“Ndërhyrjet mund të ndahen sipas stinëve dhe periudhave vjetore. Zjarret e oxhaqeve janë më të zakonshme nga janari deri në prill. Pastaj në verë ka zjarre të hapura, thotë Aliti.

NJTKZ Tetovë ka gjithsej 11 automjete dhe 74 zjarrfikës të punësuar.

“Numri i të punësuarve nuk i plotëson nevojat e komunave të Tetovës sipas numrit të popullsisë. Tash sidomos në kohë pandemie ballafaqohemi vazhdimisht me disa persona që janë në pushim mjekësor, duke shfrytëzuar më pas pushimet vjetore e të ngjashme. Na duhen më shumë zjarrfikës”, tha Aliti.

Në tre ditët e para të vitit 2022, shërbimi i zjarrfikësve ka pasur gjithsej gjashtë ndërhyrje kundër zjarrit.

TË FUNDIT

ME TE LEXUARA

LEXO MË SHUMË

donaldtrump

Gjykata e Lartë vendos pro Trampit, ish-presidenti: Fitore e madhe për Amerikën

okb

Shefi i OKB-së: Dhjetëra fëmijë po vdesin nga uria dhe dehidratimi në Gaza, gjendja është e frikshme

Klinika-Infektive-Shkup

Komisioni për sëmundje infektive do të mbajë mbledhje, 123 raste të kollës së mirë në Shkup

moti-1

Ky është parashikimi i motit për ditën e sotme

bislimi-petkovic-lajcak

Lajçak sot në Prishtinë, takon Bislimin për zbatimin e Marrëveshjes Bazike

sela-taravari

Taravari sfidon Selën: Dilni vetë, unë jam i gatshëm t’i nënshkruaj ato lista që do më sillni dhe do t’i vulosi që të merrni pjesë në zgjedhje!

abazoviq dritan

Abazoviq: Tash shqiptarët në Mal të Zi nuk e ngrisin më flamurin edhe pse kanë të drejtë

Afrim Gashi

Gashi tregon arsyet se pse u bashkua opozita shqiptare

IMG_9532

Sela nga Saraji: Nuk e përkrahim Arben Taravarin për president

INFO

NA NDIQ