Në kuadër të Festivalit “Ditët e Komedisë” publiku kumanovarë pati mundësinë të ndjekë komedinë “Dredhitë e Patukut”, me autor Gjergj Fishta dhe regji nga Kushtrim Bekteshi.
Shfaqja u mbajt në Shtëpinë e Kulturës Kumanovë.
Interpretimi i trupës së Teatrit të Tetovës, përbërë nga aktorët Arsim Fazlija, Arsim Kaleci, Elmir Sejfullai, Ermal Çanga, Arta Zejneli, Blerim Ismani, Sami Mustafa, Abdulla Osmani dhe Sheqerije Ilazi ishte jashtëzakonisht i suksesshëm dhe u prit me shumë entuziazëm nga publiku kumanovar. Regjisori Kushtrim Bekteshi tregoi mjeshtëri në përshtatjen e veprës, duke e bërë atë të freskët dhe plot humor, ndërsa grupi teatral shkëlqeu me lojën e tyre plot dinamizëm e energji, duke sjellë një atmosferë të gjallë dhe të këndshme për të gjithë të pranishmit.
Falenderojmë Teatrin e Tetovës për një shfaqje të suksesshme dhe për kontributin e tyre të vazhdueshëm në pasurimin e jetës kulturore në rajon.
