Shfletuesi Vivaldi, i cili ka qenë në fazën testues beta për pajisjet iOS prej disa muajsh, tashmë është gati për debutim publik.
Vivaldi për iPhone dhe iPad mund të shkarkohet nga ky moment në App Store duke sjellë disa prej veçorive që përdoruesit desktop dhe ata Android kanë mundur ti shijojnë prej kohësh.
Një prej veçorive që e dallon nga shfletuesit e tjerë në platformat mobile është një shirit tabesh i stilit desktop që vjen i aktivizuar.
Tregon tabet në krye të ndërfaqesh në të njëjtën mënyrë siç shfaqen në kompjuter. Duke qenë se platformat mobile kanë ekrane të vogla, shfletuesi vjen me opsionin Tab Switcher” i cili ju tregon përdoruesve të gjitha tabet e hapura.
Tabi aktiv do të theksohet me një bordurë rreth tij. Vivaldi ka të integruar shënimet me të cilat përdoruesit automatikisht mund të ruajnë tekste në uebsajtet që vizitojnë duke selektuar fillimisht, më pas zgjedhur opsionin Copy to note.
Njëlloj si versionet e Vivaldi për platformat e tjera, shfletuesi për iOS ka një bllokues të integruar të reklamave dhe gjurmimit. Përdoruesit duhet ta aktivizojnë nën seksionin Privacy në Settings. /PCWorld Albanian
