Shifrat janë ‘tronditëse’ – ja sa ‘vite të jetës’ shpenzon një përdorues tipik në mediat sociale

Picture of INA
INA

03/07/2023

Me 4.8 miliardë përdorues çdo ditë, media sociale është një pjesë integrale e botës sonë dhe mënyra kryesore se si qëndrojmë të lidhur me njëri-tjetrin.

Çdo vit më 30 qershor festohet Dita e Mediave Sociale – ditë që “u krijua” në vitin 2010 për të njohur ndikimin e mediave sociale në komunikimin global.

Ndryshe, MySpace ishte platforma e parë sociale që arriti 1 milion përdorues aktivë mujorë në vitin 2004, duke hapur rrugën për mediat sociale siç e njohim ne.

Dhe në hapësirën e shkurtër prej dy dekadash, përdorimi i mediave sociale ka shpërthyer me rreth 60 për qind të popullsisë së botës që e përdorin atë sot.

Por cilat janë platformat sociale më të përdorura në botë?

Facebook ka “kurorën” si platforma më e përdorur e mediave sociale, me 2.96 miliardë përdorues aktivë mujorë, shkruajnë mediat e huaja, përcjell Telegrafi.

I themeluar nga Mark Zuckerberg në vitin 2004, aplikacioni Facebook transformoi peizazhin e mediave sociale. Duke filluar si një rrjet ekskluziv për kolegjet, ai u zgjerua shpejt globalisht.

Meta (më parë Facebook Inc) zotëron katër nga platformat më të mëdha të mediave sociale në botë: Facebook, WhatsApp, Instagram dhe Facebook Messenger.

Secili nga tre të parët tërheq të paktën 2 miliardë përdorues aktivë çdo muaj.

Ndërkohë, i lansuar në vitin 2005, YouTube ka një audiencë mbresëlënëse prej 2.51 miliardë përdoruesish, gjë që e bën atë aplikacionin e dytë më të madh të mediave sociale.

Videoja më e njohur në YouTube është Baby Shark Dance, e cila ka arritur 13 miliardë shikime.

WhatsApp dhe Instagram renditen në vendin e tretë dhe të katërt me nga 2 miliardë përdorues secili.

WhatsApp u themelua në vitin 2009 dhe është bërë shpejt një aplikacion i njohur i mesazheve në mbarë botën.

Ndërsa Instagram është bërë popullor për ndarjen e fotove dhe videove. Ai është i popullarizuar në mesin e ndikuesve të mediave sociale dhe ndjekësve të tyre.

Sa kohë mesatarisht shpenzon një person në rrjetet sociale?

Përdoruesi tipik shpenzon rreth 2.5 orë në ditë në mediat sociale, sipas DataReportal, përcjell Telegrafi.

Kjo është 864 orë në vit “lëvizje” nëpër aplikacione, ekuivalente me 36 ditë ose pak më shumë se një muaj.

Dhe kur e zgjasim këtë afat kohor me atë të “gjithë jetës”, shifrat bëhen edhe më tronditëse.

Duke supozuar një jetëgjatësi mesatare prej 72 vjetësh, me moshën 16 vjeçare që është kriteri i përshtatshmërisë për të përdorur mediat sociale, përdoruesit mund të shpenzojnë rreth 5.5 vjet të jetës së tyre në mediat sociale.

Dhe arsyet pas këtij investimi të gjerë në kohë ndryshojnë.

Mediat sociale janë platforma të përshtatshme për komunikim, argëtim dhe për të qëndruar të përditësuar me përmbajtjen dhe lajmet më të fundit.

Megjithatë, studimet kanë treguar se përdorimi i përhapur i mediave sociale është i lidhur me ndikimet negative në shëndetin mendor me një studim që zbuloi se përdorimi i gjatë i mediave sociale ishte i lidhur me një rritje të simptomave depresive tek adoleshentët. /Telegrafi/

TË FUNDIT
3 orë
Zhyti botën në ‘black-out’, çfarë është CrowdStrike dhe si u shkaktua ndërprerja globale në sistemin IT
1 ditë
Ndërpritet sistemi i IT’së në të gjithë botën goditen bankat, mediat dhe linjat ajrore
2 ditë
Elon Musk do të mbështesë fushatën e Trumpit me mbi 41 milionë euro në muaj
7 ditë
Facebooku e Instagrami ia heqin kufizimet Donald Trumpit
1 javë
“Nuk kanë turp!" Trump për Zuckerberg: Nëse bëhem president, do ta dërgoj në burg për një kohë të gjatë

ME TE LEXUARA

1 ditë
Ndërpritet sistemi i IT’së në të gjithë botën goditen bankat, mediat dhe linjat ajrore
3 orë
Zhyti botën në ‘black-out’, çfarë është CrowdStrike dhe si u shkaktua ndërprerja globale në sistemin IT

LEXO MË SHUMË

haker

Zhyti botën në ‘black-out’, çfarë është CrowdStrike dhe si u shkaktua ndërprerja globale në sistemin IT

otwarcie-txt-uslugami-w-hakera

Ndërpritet sistemi i IT’së në të gjithë botën goditen bankat, mediat dhe linjat ajrore

Trump Musk

Elon Musk do të mbështesë fushatën e Trumpit me mbi 41 milionë euro në muaj

auto_donald-trump-oval-office1550229304

Facebooku e Instagrami ia heqin kufizimet Donald Trumpit

auto_donald-trump-oval-office1550229304

“Nuk kanë turp!” Trump për Zuckerberg: Nëse bëhem president, do ta dërgoj në burg për një kohë të gjatë

chat-gpt

“ChatGPT” vjen në një pjesë të automjeteve të gjigantit gjerman

wi-fi ruter

Paralajmërojnë ekspertët: Rritja e temperaturave mund të ndikojë në Wi-Fi-në tuaj

whatsapp-1100x620-1-600x360-1

Whatsappi do t’ua mundësojë të flisni me njerëz në gjuhë të huaja

tik tok

A do të ndalohet përfundimisht përdorimi i TikTok-ut në Kosovë?

INFO

NA NDIQ