Shifrat që kërkon ‘klani Mbappe’ nga Real Madridi janë të frikshme

INA
INA

30/01/2024

E ardhmja e Kylian Mbappe, cilado qoftë ajo, po i afrohet qartësisë përfundimtare. Afati i kontratës së tij me PSG-në, 30 qershor 2024, e detyron atë të negociojë ose me klubin francez, ose me ndonjë tjetër, për të vendosur se ku do të luajë sezonin e ardhshëm.

“Klani” i tij, sipas “El Desmarque de Cuatro”, kërkon pagesa specifike në formë bonusi. Një “klan” që, siç dihet tashmë në të gjithë botën e futbollit, drejtohet nga nëna e tij, Fayza Lamari, një negociatore e ashpër, që përpiqet të kërkojë shifrat më të mira për djalin e saj, sepse kjo, padyshim, ka ndikim edhe në përfitimin e saj.

Kështu, sipas mediave të sipërpërmendura, nëna e lojtarit, me miratimin e Mbappe, i ka kërkuar Real Madridit një pagë prej 100 milionë eurosh bruto në vit. Domethënë, 50 milionë neto, që është më shumë se dyfishi i pagës më të lartë të skuadrës aktuale të bardhë, që marrin lojtarët e kalibrit të Kroos, Modric apo Alaba (rreth 20 milionë euro neto).

Përveç kësaj, mamaja-agjente e yllit francez kërkon një bonus transferimi prej 175 milionë eurosh, që do t’i shkonte tërësisht familjes “Mbappe”, teksa nga e gjitha kjo PSG nuk do të merrte absolutisht asgjë.

Me këto shifra në tryezë nga njëra nga palët, një tjetër prej të përfshirëve, Real Madridi, nuk ka në plan t’i pranojë ato. Florentino Perez vazhdon të presë që javët të kalojnë për t’i dhënë një pozicion të favorshëm operacionit. Kuptohet, nëse “klani” i Mbappe nuk lëviz nga këto kërkesa, transferimi nuk do të kryhet në asnjë skenar.

Nënshkrimi i Mbappé, prej shumë kohësh, ka qenë një dëshirë e klubit të kryesuar nga Florentino Pérez, por duke parë se si po ecën skuadra dhe pas përforcimit të projektit me rinovimet e lojtarëve kryesorë si Valverde, Militao, Rodrygo apo Vinicius, dihet se e ardhmja tashmë është premtuese.

TË FUNDIT

ME TE LEXUARA

LEXO MË SHUMË

xherdan shaqiri

Ky është problemi i madh, ja pse Xherdan Shaqiri po shkon në gjykatën federale

Mesi ronaldo

Rregulli i pashkruar në familjen e Ronaldos për Messin – e zbulon motra e tij

leao

“Kritikat? Futbolli është i tillë”, Leao: Ishte bukur që u riktheva te goli pas 5 muajsh

inter

Inter i pandalshëm në 2024-ën, mposht Atalanta-n dhe numëron fitoren e 11-të radhazi

futboll

Këto janë ndeshjet çerekfinale në FA Cup, dy super përballje

albion rrahmani

“Dua të shënoj 20 gola këtë sezon dhe të fitoj trofe” – Albion Rrahmani flet pas paraqitjes spektakolare ndaj UTA Arad

milan

I humbi një orë me vlerë 180 mijë euro, futbollisti i njohur përleshet me një hajdut në një klub nate

Jasir Asani

VIDEO / Jasir Asani fantastik, goditjet e tij nuk ndalen as në stërvitje

Liga e Evropes Europa League

Katër ndeshje të tjera emocionuese në “FA Kupën” e Anglisë

INFO

NA NDIQ