Pas suksesit në Eurovision dhe jehonës së krijuar për emrin e tyre, Shkodra Elektronike duket se nuk e ka në plan të ndalet. Grupi njoftoi së fundmi publikimin e një albumi EP (album i shkurtër, që përmban zakonisht 3-6 këngë) me titull “Shndrit!”.
“Pse do të vazhdojmë me [shndrit]” – shkruajnë ata, duke lënë të kuptohet se ky është vetëm fillimi i një faze të re kreative.
Ky projekt vjen si një vazhdimësi e stilit të tyre unik, ku muzika elektronike moderne bashkohet me motive tradicionale shqiptare. Ngjyrat e ndezura, format abstrakte dhe frymëzimi etno-futurist në kopertinën e albumit premtojnë një qasje të guximshme dhe eksperimentale, karakteristike tashmë për identitetin artistik të Shkodrës Elektronike.
Albumi “Shndrit” do të publikohet më 23 maj. Ky projekt po pritet me kuriozitet nga fansat, të cilët pas bujës në Eurovision ku grupi u rendit në Top 5 me votat e publikut, janë më të shumtë dhe më të angazhuar se kurrë më parë.
https://www.instagram.com/p/DJ1cLJ4MDy1/?utm_source=ig_embed&utm_campaign=loading
