Kryeministri Hristijan Mickoski ka komentuar raportimet se një pjesë e autobusëve të NQP Shkup janë tërhequr nga qarkullimi si pasojë e mungesës së naftës, përcjell TV21. Mickoski thotë se nuk ka mungesë të naftës, por që është problem administrativ i Qytetit të Shkupit dhe ndërmarrjes.
“Praktikisht udhëheqësija e NQP-së nuk vjen në punë, problemi është administrativ, nuk është problemi që nuk ka sasi të naftës, por është problem administrativ. Dhe apeloj… edhe te udhëheqësia e NQP-së, edhe te udhëheqësia e Qytetit të Shkupit që t’i tejkalojnë mospajtimet që të mundet shkupjanët ta përdorin transportin publik, sepse me sa jam i informuar, nuk bëhet fjalë për mungesë të sasisë së naftës, por thjesht diçka tjetër është problemi”, deklaroi mes tjerash Mickoski.
