Prokuroria Themelore Publike në Shkup ka nisur procedurë penale kundër një personi të dyshuar për lëndim trupor, në përputhje me nenin 130 paragrafi 2 të Kodit Penal të Maqedonisë së Veriut.
Ngjarja ka ndodhur më 20 qershor në banesën familjare në rrugën “Butellska”, ku i dyshuari 54-vjeçar, në gjendje të dehur, fillimisht ka fyer bashkëshorten e tij, për ta sulmuar më pas fizikisht duke e goditur me çadër në trup dhe në kokë.
Si pasojë e goditjeve të shumta, viktima ka nisur të gjakoset dhe të humbasë ndjenjat. Ajo ka mundur të zvarritet deri në oborrin e shtëpisë, prej nga ka kërkuar ndihmë.
Duke marrë parasysh rrethanat e rastit, prokurori ka paraqitur kërkesë për caktimin e paraburgimit ndaj të dyshuarit në Gjykatën Themelore Penale të Shkupit. (INA)
